અમદાવાદ ખાતે સાયન્સ સિટીમાં પ્રકલ્પોની ફી સામાન્ય પરિવારને પોસાય એવી નથી, સાયન્સ સિટીના આકર્ષણો જોવા રૂ.1850નો ખર્ચ કરવો પડી શકે છે
સાયન્સ સિટીના આકર્ષણોની ફીને લઇ વિવાદ
ફીને લઇ કોંગ્રેસે કર્યા આક્ષેપ
ભાજપે સાયન્સ સિટીને બિઝનેશ હબ બનાવ્યું
અમદાવાદની સાયન્સ સિટીના પ્રકલ્પોને PM મોદી ખુલ્લી મૂકી છે. પરંતુ પ્રકલ્પોની ફી સામાન્ય પરિવારને પોસાય એવી નથી. સાયન્સ સિટીના આકર્ષણો જોવા રૂ.1850નો ખર્ચ કરવો પડી શકે છે. બાળકોમાં વૈજ્ઞાનિક અભિગમ વિકસાવવા સાયન્સ સિટી બનાવાઇ છે. સાયન્સ સિટીમાં એન્ટ્રી ફી 50 અને કાર પાર્કિંગ ફી માટે 50 રૂપિયા ફી છે. તો રોબોટિક ગેલેરી 250, એક્વાટિક ગેલેરીની 250 રૂપિયા ફી છે.3D સ્કેનર/પેન્ટરની 500 તો રોબો પેન્ટરની 200 ફી ચૂકવવી પડશે. VRની 200, 5D થિએટરની 150 અને અન્ય રાઈડસની 200 રૂપિયા ફી છે.
વડાપ્રધાન મોદીએ ગુજરાતમાં વિકાસના કાર્યોનું વર્ચ્યુઅલ લોકાર્પણ કર્યુ હતું, જેમા સૌથી પહેલા તેમણે ગાંધીનગર રેલ્વે સ્ટેશનનું લોકાર્પણ કર્યું ગાંધીનગર રેલ્વેસ્ટેશનના ઉદ્ઘાટન બાદ વડાપ્રધાને કહ્યું કે આ નવા ભારત માટે એક નવી પહેલ છે. તેમણે કહ્યું કે દેશનું ઈન્ફ્રાસ્ટ્રકચર હવે કોંક્રીટ અને સિમેન્ટનું નથી ખાલી. હવે આપણે અલગ રીતે અર્બન ઈન્ફ્રાસ્ટ્ર્ચર કરીએ છે. વધુમાં તેમણે સાબરમતી રિવરફ્રન્ટ અને સી પ્લેનનું પણ ઉદાહરણ આપ્યું સાથેજ કાંકરીયાનું પણ ઉદાહરણ આપ્યું.
સાયન્સસિટીમાં 3 નવા વિકલ્પો પણ ખુલ્લા મુકવામાં આવ્યા છે. જેમા એક્વાટિક, રોબોટિકસ ગેલેરી તેમજ નેચરપાર્કનો આનંદ આજથી લોકો માણી શકશે.
આ એક્વેરિયમ સેન્ટરની અલગ અલગ 68 ટેન્કમાં શાર્ક સહિતના દરિયાઈ જીવો જોવા પણ જોવા મળશે.
આ એક્વેરિયમ સેન્ટરની ખાસ વાત એ પણ છે કે અહીયા 28 મીટરની અંડર વોટર વોક-વે ટનલ બનાવામાં આવી છે.
સાયન્સ સીટીની રોબોટિક ગેલેરીમાં 79 પ્રકારના 200 થી વધુ રોબોટ્સ મુલાકાતીઓ માટે મુકવામાં આવ્યા છે.
હ્યુમોનોઇડ રોબોટ સાથે મુલાકાતીઓ વાતચીત પણ કરી શકશે
20 એકરમાં પથરાયેલ નેચર પાર્કમાં 380 થી વધુ પ્રજાતિ જોવા મળશે