ભાવનગરમાં હાર્દિકના સમર્થનમાં ઉપવાસ છાવણીઓ થઈ શરૂ

હાર્દિક પટેલના સમર્થનમાં ભાવનગર જિલ્લામાં 60થી વધુ જગ્યાએ ઉપવાસ છાવણીઓ શરૂ થઇ છે. અને હજુ આવતીકાલે તાલુકામાં પણ ઉપવાસ છાવણી શરૂ થશે તેમ ભાવનગર જીલ્લાના પાસનાં આગેવાનોએ જણાવ્યું છે. સુરકા ગામે 2 યુવકો આમરણાંત ઉપવાસ કરી રહ્યા છે. તો આ બાજુ સીદસરમાં પાસ કન્વીનારો મોટી સખ્યામાં ઉપવાસમાં જોડાયા છે. જ્યારે તગડી ગામે એક યુવક અનશન કરતા પોલીસે તેની ધરપકડ કરી હતી. જેને લઇને ગામના લોકો સ્થાનિક મંદિરોમાં હનુમાન ચાલીસા અને ઉપવાસમાં જોડાયા છે. 

ઉલ્લેખનીય છે કે હાર્દિક પટેલના ઉપવાસનો આજે નવમો દિવસ હતો. ત્યારે નવમાં દિવસે હાર્દિકની તબિયત ખરાબ થઈ રહી છે. ત્યારે હવે હાર્દિક પટેલે પોતાની મિકલતનું વસિયતનામું જાહેર કર્યુ છે. હાર્દિકે પોતાની મિલકતમાં વારસદાર પોતાના પિતા ભરતભાઈ પટેલ અને માતા ઉષાબેન પટેલને જણાવ્યા છે. 

હાર્દિક મુજબ તેના એક્સિસ બેંકના ખાતામાં 50 હજાર રૂપિયા છે અને હાર્દિકે મેક્સ ઈન્સ્યોરન્સ પોલીસી 2014માં કઢાઈ છે. હાર્દિક પાસે એક કાર છે. આ ઉપરાંત હાર્દિક પર એક બુક લખાઈ રહી છે. જેમાંથી ખરબો રૂપિયાની આવક થાય તેવા દાવા કરવામાં આવ્યા છે. આ પુસ્તકનું નામ WHO TOOK MY JOB છે.