Navratri 2022 / દિવસ પ્રમાણે નવરાત્રીમાં પહેરો અલગ અલગ રંગોના કપડાં, પ્રસન્ન થઈ માતા વરસાવશે કૃપા

• નવરાત્રીના 9 દિવસ પહેરો અલગ અલગ રંગોના કપડા 
• માતા વરસાવશે તેમની વિશેષ કૃપા 
• દરેક દેવીને પસંદ છે એક ખાસ રંગ 

નવરાત્રીનો તહેવાર આવવાનો છે. તેમાં 9 દિવસ સુધી માતાની પૂજા કરવામાં આવે છે. દરેક જગ્યાએ પંડાલ સજાવવામાં આવ્યા છે. મા દુર્ગાના દર્શન માટે મોટી સંખ્યામાં ભક્તો પહોંચે છે. ઘરોમાં કળશની સ્થાપનાની સાથે પૂજા કરવામાં આવે છે. આ 9 દિવસોમાં દરરોજ પૂજાની સાથે સાથે રંગોનું પણ વિશેષ મહત્વ હોય છે.

દરરોજ માતાના અલગ-અલગ સ્વરૂપની પૂજા કરવામાં આવે છે અને દરેક દિવસ પ્રમાણે અલગ-અલગ રંગોના કપડાં પહેરવાથી માતા પ્રસન્ન થશે અને તેમારા પર આશીર્વાદ વરસાવશે. ચાલો જાણીએ નવરાત્રિના 9 દિવસો દરમિયાન કયા રંગના કપડાં પહેરવા જોઈએ.

પહેલા નોરતે પહેરો આ રંગના કપડાં 
નવરાત્રીના પહેલા દિવસે મા શૈલપુત્રીની પૂજા કરવામાં આવે છે. મા શૈલપુત્રીની પૂજા માટે પીળા રંગના વસ્ત્રો પહેરવા શુભ ગણાય છે. પીળા વસ્ત્રોથી માતા પ્રસન્ન થાય છે અને તેમની મનોકામના પૂર્ણ કરે છે.

બીજો નોરતે પહેરો આ રંગના કપડાં
બીજા દિવસે બ્રહ્મચારિણીની પૂજા કરવામાં આવે છે. મા બ્રહ્મચારિણીને લીલો રંગ ગમે છે. જો તમે લીલા વસ્ત્રોમાં માતાની પૂજા કરો છો, તો તેના ખૂબ જ શુભ ફળ પ્રાપ્ત થાય છે. માતા પ્રસન્ન થાય છે.

ત્રીજા નોરતે પહેરો આ રંગના કપડાં
નવરાત્રીના ત્રીજા દિવસે માતાના ચંદ્રઘંટા સ્વરૂપની પૂજા કરવામાં આવે છે. દેવી માને ગ્રે કલર ખૂબ જ પસંદ છે. તમે ગ્રે કલર મિક્સ કપડા પહેરીને માતાની પૂજામાં સામેલ થઈ શકો છો. તેનાથી માતા પ્રસન્ન થાય છે અને તમારી મનોકામનાઓ પૂર્ણ કરે છે.

ચોથા નોરતે પહેરો આ રંગના કપડાં
નવરાત્રિના ચોથા દિવસે મા કુષ્માંડાની પૂજા કરવામાં આવે છે. નારંગી વસ્ત્રો પહેરીને પૂજામાં બેસો તો મા કુષ્માંડા પ્રસન્ન થાય છે. તેની વિશેષ કૃપા પ્રાપ્ત થાય છે. વ્યક્તિને ધન-ધાન્યથી સંપન્ન જીવન મળે છે.

પાંચમાં નોરતે પહેરો આ રંગના કપડાં
નવરાત્રિના પાંચમા દિવસે માતા સ્કંદમાતાની પૂજા કરવામાં આવે છે. જે માતાનું પાંચમું સ્વરૂપ છે. તેમને સફેદ રંગ ખૂબ જ પસંદ છે. સફેદ રંગના વસ્ત્રો ધારણ કરીને પૂજા કરનારની માતા દરેક મનોકામના પૂર્ણ કરે છે.

છઠ્ઠા નોરતે પહેરો આ રંગના કપડાં
છઠ્ઠો દિવસ મા કાત્યાયનીનો દિવસ છે. આ દિવસે લાલ રંગના વસ્ત્રો પહેરીને પૂજા કરવામાં આવે તો માતારાણી પ્રસન્ન થાય છે. તેમને લાલ રંગ અતિ પ્રિય છે. આ જ કારણ છે કે તેમને લાલ વસ્ત્રો અર્પણ કરવામાં આવે છે. માતાના શણગારની વસ્તુઓ પણ લાલ રંગની હોય છે.

સાતમાં નોરતે પહેરો આ રંગના કપડાં
આ દિવસે રાત્રે દેવીના સાતમા સ્વરૂપ કાલરાત્રિની પૂજા કરવામાં આવે છે. માતાને વાદળી રંગ ખૂબ જ પસંદ છે. આ દિવસે વાદળી વસ્ત્રો ધારણ કરીને પૂજા-અર્ચના કરનારાઓ પર માતા પ્રસન્ન થાય છે અને આશીર્વાદ આપે છે.

આઠમાં નોરતે પહેરો આ રંગના કપડાં
આઠમા દિવસે મા મહાગૌરીની પૂજા કરવામાં આવે છે. આ દિવસને ખાસ બનાવવા માટે તમે ગુલાબી રંગના કપડાં પહેરી શકો છો. આ રંગ માતાને પ્રિય છે અને તે પ્રસન્ન થઈને સમૃદ્ધ જીવનના આશીર્વાદ આપે છે.

નવમાં નોરતે પહેરો આ રંગના કપડાં
નવરાત્રિનો નવમો અને છેલ્લો દિવસ સિદ્ધિદાત્રી દેવીનો દિવસ છે. તેમને જાંબલી રંગ ખૂબ પ્રિય છે. આ દિવસે માતાની પૂજામાં આ રંગ પહેરીને આવનાર ભક્તની દરેક મનોકામના પૂર્ણ કરે છે.