બોલીવુડ / સલમાનના બર્થ-ડે પર ફેન્સને મળી શકે છે સરપ્રાઈઝ, ખુલશે સલ્લુની લાઇફ સાથે જોડાયેલા અનેક રહસ્ય!

• સલમાન ખાન તેમના જન્મદિવસ પર નવી ફિલ્મ રિલીઝ કરી શકે છે 
• કોરોના પહેલા થઈ હતી તૈયાર 
• ડોક્યુમેન્ટ્રીમાં જોવા મળશે ઘણા સ્ટાર 

બૉલીવુડના ભાઈજાન કહેવાતા સલમાન ખાનની મોટાભાગની ફિલ્મો ઈદ, દિવાળી જેવા તહેવારો અથવા તો તેના જન્મદિવસ પર રિલીઝ થતી આવે છે. આપણે બધા જાણીએ છીએ કે આવતા મહિને 27મી ડિસેમ્બરના રોજ સલમાન ખાનનો જન્મદિવસ છે. એવામાં સમાચાર આવી રહ્યા છે કે આ વખતે સલમાન ખાન અને તેના ફેન્સને સરપ્રાઈઝ મળી શકે છે. પોતાના જન્મદિવસ પર ફિલ્મો રિલીઝ કરનાર સલમાન ખાનને તેમના જ જન્મદિવસ પર તેમની જીવન પર બનેલી એક ડોક્યુમેન્ટ્રી રિલીઝ થઈ શકે છે. જો આવું થયું તો સલમાનના ચાહકો માટે આ એક મોટી સરપ્રાઈઝ હશે. મળતી જાણકારી અનુસાર આ ડોક્યુમેન્ટ્રીમાં સલમાન ખાનના જીવન સાથે જોડાયેલા ઘણા રહસ્યો જાણી શકાશે. જો કે હાલ તેના પર કામ ચાલી રહ્યું છે અને તેને બનાવતા દોઢ મહિનાથી વધુ સમય થઈ ગયો છે. જણાવી દઈએ કે મેકર્સ સતત પ્રયાસ કરી રહ્યા છે અને સલમાનના જન્મદિવસ પહેલા ફિલ્મ તૈયાર કરીને રિલીઝ થઈ શકે છે. 

કોરોના પહેલા થઈ હતી તૈયાર 
સલમાન ખાન પર બની રહેલ આ ડોક્યુમેન્ટરીનું નામ 'બિયોન્ડ ધ સ્ટાર' રાખવામાં આવ્યું છે. અને આ ડોક્યુમેન્ટરી એપ્લોઝ એન્ટરટેઈનમેન્ટ દ્વારા પ્રોડ્યુસ અને વિરાફ સરકાર દ્વારા ડિરેક્ટ કરવામાં આવે છે. જણાવી દઈએ કે આ ડોક્યુમેન્ટરીનો આઈડિયા સલમાનની રોમાનિયન ફ્રેન્ડ લૂલીયા વેંતુરનો હતો અને તે ઈચ્છતી હતી કે એક એવી ડોક્યુમેન્ટરી બને જેમાં સલમાન ખાનની 33 વર્ષની બોલિવૂડ સફર બતાવવામાં આવે. જો કે આ ડોક્યુમેન્ટ્રી બનાવવાની જાહેરાત કોરોના પહેલા કરવામાં આવી હતી. જણાવી દઈએ કે હાલ આ ફિલ્મનું કામ લગભગ પૂરું થવા પર છે અને સલમાનના જન્મદિવસ પહેલા તેને રિલીઝ કરવામાં આવી શકે છે. 

ડોક્યુમેન્ટ્રીમાં જોવા મળશે ઘણા સ્ટાર 
મળતી જાણકારી અનુસાર સલમાનની આ ડોક્યુમેન્ટ્રીમાં તેનું સ્ટારડમ, ફિલ્મ ઈન્ડસ્ટ્રીના લોકો સાથેના તેના સંબંધો અને આ સાથે જ તેની સાથે જોડાયેલા વિવાદો પણ બતાવવામાં આવશે. આ ઉપરાંત તેમના પરિવારના સભ્યો, મિત્રો, કો એક્ટર, સ્ટાફ, નિર્દેશક, નિર્માતાઓ અને મીડિયાના લોકો તેના વિશે વસ્તુઓ જણાવશે. આ સાથે જ આ ડોક્યુમેન્ટરીમાં એ પણ જાણવા મળશે કે સલમાનને સ્ટાર બનાવવામાં કોને કોને મદદ કરી છે. એવું માનવામાં આવે છે કે આ ડોક્યુમેન્ટ્રીમાં સલમાનની આસપાસના લોકો તેના વિશે વાતો કરશે જેમાં ભાગ્યશ્રી, દિશા પટણી, સાજિદ નડિયાદવાલા, ડેવિડ ધવન, સૂરજ બડજાત્યા, સંજય લીલા ભણસાલી અને સુભાષ ઘાઈ જેવી ઘણી હસ્તીઓ આ ડોક્યુમેન્ટ્રીમાં જોવા મળશે.