તમારા કામનું / RC અને Driving License એક્સ્પાયર થઈ ગયા તો ચિંતા ન કરો, સરકારે આપી મોટી રાહત

• ડ્રાઇવિંગ લાયસન્સ, કાર ફિટનેસ સર્ટિફિકેટને લઈને મહત્વના સમાચાર 
• 30 જૂન સુધી માન્ય રહેશે પૂર્ણ થઇ ગયેલા  DL, RC 
• માર્ગ અને પરિવહન મંત્રાલયે આપ્યા આદેશ

હવે આ તારીખો વધારીને 30 જૂન 2021 કરવામાં આવી છે. માર્ગ અને પરિવહન મંત્રાલયે આ અંગે એક આદેશ જાહેર કર્યો છે. 

30 જૂન સુધી માન્ય રહેશે DL, RC 

સરકાર દ્વારા જાહેર કરવામાં આદેશમાં કહેવામાં આવ્યું છે કે, ફરી એકવાર કોરોનાવાયરસના કેસમાં ઉછાળો આવતા આ પ્રકારે નિર્ણય લેવામાં આવ્યો છે. આદેશમાં કહેવામાં આવ્યું છે કે, તમામ સર્ટિફિકેટ્સ કોરોના અથવા લોકડાઉનને કારણે એક્સટેન્શન થઇ શક્યા નથી અને જે 1 જાન્યુઆરી 2020ના રોજ એક્સપાયર થઇ ચૂક્યા છે તે હવે આગામી 30 જૂન 2021 સુધી માન્ય ગણવામાં આવશે. 

તમામ રાજ્યોને આદેશ જાહેર કરવામાં આવ્યો 

સરકારે અધિકારીઓને નિર્દેશ આપ્યો છે કે આ દસ્તાવેજોને માન્ય ગણવા જોઈએ, જેથી પરિવહન સંબંધિત સેવાઓમાં કોઈ મુશ્કેલી ન આવે. માર્ગ અને પરિવહન મંત્રાલયે તમામ રાજ્યો અને કેન્દ્રશાસિત પ્રદેશોને આ આદેશનું પાલન કરવા જણાવ્યું છે જેથી નાગરિકો, ટ્રાન્સપોર્ટરો અને તમામ સંસ્થાઓ કે જે આ મુશ્કેલ સમયમાં પણ સેવાઓ પૂરી પાડે છે, તેઓને કોઈ મુશ્કેલીનો સામનો કરવો ન પડે.

કોરોનાના વધતા જતા કેસોને ધ્યાનમાં રાખીને લેવાયો નિર્ણય

આપને જણાવી દઈએ કે 24 માર્ચ 2020 ના રોજ દેશભરમાં લોકડાઉનની ઘોષણા કરવામાં આવી ત્યારે, માર્ગ અને પરિવહન મંત્રાલયે 30 માર્ચ 2020, 9 જૂન 2020, 24 ઓગસ્ટ 2020 અને 27 ડિસેમ્બર 2020 ના રોજ આવશ્યક ચીજવસ્તુઓ અને સેવાઓ સપ્લાય કરવા ઘણી વાર રજૂઆત કરી હતી. આ એડવાઇઝરી જાહેર કરવામાં આવી હતી જેમાં મંત્રાલયે અધિકારીઓને આદેશ આપ્યો હતો કે વાહનોની પરવાનગી, ડ્રાઇવિંગ લાઇસન્સ, આરસી કે જે 1 ફેબ્રુઆરી 2020 ના રોજ સમાપ્ત થઈ છે, તેને 31 માર્ચ 2021 સુધી માન્ય રાખવી જોઈએ, જેથી જરૂરી સેવાઓ પૂરી પાડવા માટે કોઈપણ પ્રકારની અડચણ ન આવે.

દેશમાં ફરી એકવાર કોરોનાની બીજી તરંગ શરૂ થઈ છે, દરરોજ વધી રહેલા કેસોને ધ્યાનમાં રાખીને મંત્રાલયે આ દસ્તાવેજોની માન્યતા 30 જૂન, 2021 સુધી વધારી દીધી છે.