રાજકોટ / બસ, 31 તારીખ છેલ્લી... પછી ઢોર પકડ્યા બાદ છોડવામાં નહીં આવે: ગુજરાતનાં આ શહેરમાં પશુપાલકોને અપાયું અલ્ટિમેટમ

• રાજકોટમાં પશુ રજિસ્ટ્રેશનની મુદ્દતમાં વધારો 
• મનપા દ્વારા 31 ડિસેમ્બર સુધીનું અલ્ટિમેટમ
• 1 જાન્યુઆરીથી પશુઓ છોડવામાં નહી આવે
• પશુપાલકોને ઢોર રાખવા છેલ્લી મુદ્દત

Rajkot News : રાજકોટમાં પશુપાલકોને પશુ રજિસ્ટ્રેશન માટે 31 ડિસેમ્બર સુધીનું અલ્ટિમેટમ આપવામાં આવ્યું છે. વાત જાણે એમ છે કે, ગુજરાત હાઇકોર્ટના આદેશ બાદ મહાનગરપાલિકા દ્વારા સૂચના આપવામાં આવી છે. જેથી 1 જાન્યુઆરીથી રજિસ્ટ્રેશન વગરના પશુઓને પકડ્યા બાદ છોડવામાં નહી આવે. નોંધનિય છે કે, રાજકોટ શહેરમાં 35 હજારથી વધુ પશુઓ છે અને એમાંથી માત્ર 8500 પશુઓનું જ રજીસ્ટ્રેશન થયું છે. 

રાજ્યમાં રખડતાં ઢોરના ત્રાસને લઈ ગુજરાત હાઇકોર્ટે પણ નારાજગી વ્યક્ત કરી હતી. આ તરફ હવે રાજકોટ  મ્યુનિસિપલ કમિશનર દ્વારા પશુપાલકોને ઢોર રાખવા છેલ્લી મુદ્દત આપવામાં આવી છે. જે અંતર્ગત પશુપાલકોને પશુ રજિસ્ટ્રેશન માટે 31 ડિસેમ્બર સુધીનું અલ્ટિમેટમ આપવામાં આવ્યું છે. જેથી હવે 1 જાન્યુઆરીથી રજિસ્ટ્રેશન વગરના પશુઓને પકડ્યા બાદ છોડવામાં નહી આવે.