અમેરિકન ઓપ્થેલ્મોલોજિસ્ટ એસોસિએશનના કહેવા મુજબ અમેરિકામાં ગભગ દર વર્ષે 60000 લોકોને સ્યુડોમોનસ બેક્ટેરિયાનું ઇન્ફેક્શન લાગે છે. હવે તેની સારવાર શક્ય બની તો છે, પરંતુ આ ઇન્ફેક્શન બાદ દ્રષ્ટિ નબળી પડી જાય છે.
નવરાત્રીના ગરબા રમીને થાકી ગયા હો અને લેન્સ કાઢવાનું ભુલી જવાય તો આંખો માટે અત્યંત જોખમી પુરવાર થઇ શકે છે. ગમે તેટલા વ્યસ્ત હો કે થાક્યા હો લેન્સ પહેરીને ભુલેચુકે ન સુતા. થોડા સમય પહેલા અમેરિકાના નોર્થ કેરોલિનાના ઓપ્થેલ્મોલોજિસ્ટે એક મહિલાની તસવીરો જારી કરી હતી. તે ભુલમાંથી લેન્સ કાઢ્યા વગર જ સુઇ ગઇ. સવારે ઉઠીને જોયુ તો તેની આંખોમાંથી ફ્લુઇડ નીકળવા લાગ્યુ અને તેને કંઇ દેખાતુ ન હતુ. તેની દ્રષ્ટિ સાવ જતી રહી હતી. લગભગ છ મહિનાની સારવાર બાદ તેની દ્રષ્ટિ પાછી આવી. હજુ તેની આંખનો કેટલોક ભાગ ડેમેજ થયેલો છે.
ચશ્માને બદલે કોન્ટેક્ટ લેન્સ પહેરનારા લોકોએ આ બાબતે બહુ સતેજ થવાની જરુર છે. ઓપ્થેલ્મોલોજિસ્ટ કહે છે કે સ્યુડોમોનસ બેક્ટેરિયા એટલા ખતરનાક હોય છે કે માત્ર 24થી 48 કલાકની અંદર તમારી આંખોને કોરી ખાય છે. આ કારણે દ્રષ્ટિ પર મોટુ જોખમ ઉભુ થાય છે. જેને આ જોખમ ઉભુ થાય છે તેના માટે દ્રષ્ટિ બચાવવાનુ પણ મુશ્કેલ બની જાય છે. અમેરિકન ઓપ્થેલ્મોલોજિસ્ટ એસોસિએશનના કહેવા મુજબ અમેરિકામાં ગભગ દર વર્ષે 60000 લોકોને સ્યુડોમોનસ બેક્ટેરિયાનું ઇન્ફેક્શન લાગે છે. હવે તેની સારવાર શક્ય બની તો છે, પરંતુ આ ઇન્ફેક્શન બાદ દ્રષ્ટિ નબળી પડી જાય છે. ચશ્માના બદલે કોન્ટેક્ટ લેન્સ પહેરવાનુ સ્ટાઇલિશ લાગે તો આ માટે હાઇજિન પણ જાળવવું પડે છે. આંખ પર લેન્સનો ભાર 24 કલાક શા માટે રાખવો.
હવાની અવર જવર પણ જરુરી છે. આપણે બ્રાન્ડેડ કપડા પણ 24 કલાક પહેરી શકતા નથી તો શા માટે લેન્સ આખો દિવસ પહેરવા રાત્રે લેન્સ પહેરવાથી શું નુકશાન થાય છે જ્યારે તમે કોન્ટેક્ટ લેન્સ પહેરેલા હોય ત્યારે આખો દિવસ ચોમેર ઉડતી ધુળ, રજકણ અને પોલ્યુટન્ટ્સ આંખમાના આ ફોરેન પાર્ટીકલ પર એકત્ર થાય છે. જ્યારે તમે તે પહેરીને સુઇ જાવ છો ત્યારે આ બધી વસ્તુઓને ટોક્સિક થવા માટે પુરતો સમય આપો છો. આઇ બોલ્સ જ્યારે લેન્સથી ઢંકાયેલા હોય ત્યારે તેને પુરતો ઓક્સિજન પણ મળતો નથી. તેથી આંખો ડ્રાય થઇ જાય છે.
આટલું ધ્યાન રાખો
- લેન્સ હાથમા લો એ પહેલા હાથ ધોઇને કોરા કરેલા હોવા જોઇએ
- લેન્સને સાફ કરવા હથેળીમાં સોલ્યુશન લઇને તેમાં લેન્સ મુકી હાથથી રબ કરવા.
- દર ત્રણ-ચાર મહિને લેન્સ રાખવાનું કેસ બદલી નાંખવુ
- શક્ય હોય તો ડિસ્પોઝેબલ લેન્સનો ઉપયોગ કરવો.
- રોજ રાત્રે લેન્સ કાઢી સોલ્યુશનથી સાફ કરીને ડબ્બીમા મુકવા
- લેન્સને સાફ કરવા ક્યારેય પાણીનો ઉપયોગ ન કરવો. દરેક વખતે નવું અને ફ્રેશ સોલ્યુશન વાપરવું
- લેન્સના બદલે ચશ્મા પહેરવાથી આંખોને ઓછો શ્રમ પડે છે. ગરમીમાં સનગ્લાસીસ ખાસ પહેરવા.