જમ્મૂ-કાશ્મીર / શોપિયાં જિલ્લામાં સેના-આતંકીઓ વચ્ચે અથડામણ, એક આતંકી ઠાર

જો કે સુરક્ષાબળે અત્યાર સુધીમાં કરેલી કાર્યવાહીમાં એક આતંકી ઠાર મરાયો હોવાનું સૂત્રોને જાણકારી મળી છે. સુરક્ષાબળે વિસ્તારને ઘેરી લીધા બાદ આતંકીઓએ ફાયરિંગ શરૂ કરી દીધું હતું. આતંકીઓએ કરેલા ફાયરિંગનો સુરક્ષાબળે જડબાતોડ જવાબ આપ્યો હતો. આ સાથે સુરક્ષાબળે આસપાસના વિસ્તારમાં સર્ચ ઓપરેશન હાથ ધર્યું છે.

જમ્મૂ-કશ્મીરમાં કેટલાક આતંકીઓ છૂપાયા હોવાની બાતમી સુરક્ષાબળને મળતા સુરક્ષાબળે સમગ્ર વિસ્તારને ઘેર્યો અને આતંકીઓ તથા સુરક્ષાબળ વચ્ચે અથડામણ થઈ છે.  જમ્મૂ-કશ્મીરના શોપિયાંમાં બેથી ત્રણ આતંકીઓ છૂપાયા હોવાની આશંકા છે.

જો કે સુરક્ષાબળે સમગ્ર વિસ્તારને ઘેર્યો છે અને આતંકીઓનો ખાતમો બોલાવવા માટે કાર્યવાહી હાથ ધરી છે. કાશ્મીરના શોપિયાં જિલ્લામાં કેટલાક આતંકીઓ છૂપાયા હોવાની જાણ સુરક્ષાબળને થતાં સુરક્ષાબળે સમગ્ર વિસ્તારને ઘેર્યો છે.

સુરક્ષાબળે સમગ્ર વિસ્તારને ઘેરતા આતંકીઓ ઉશ્કેરાયા હતા અને સુરક્ષાબળ પર ફાયરિંગ કર્યુ હતુ. ત્યાર બાદ સુરક્ષાબળે પણ જવાબી કાર્યવાહી હાથ ધરી છે અને આતંકીઓનો ખાતમો બોલાવવા કાર્યવાહી હાથ ધરી છે.

આ અગાઉ બડગામ જિલ્લામાં રવિવારે સુરક્ષાબળ સાથેની અથડામણમાં એક આતંકવાદી ઠાર મરાયો હતો. ચાદૂરા ક્ષેત્રમાં બુગમ ગામમાં સર્ચ ઓપરેશન દરમિયાન સુરક્ષાબળ પર આતંકીઓએ ફાયરિંગ શરૂ કરતાં અથડામણ થઇ હતી.