કાર્યવાહી / ગરીબોના મસીહા સોનુ સૂદ સામે ચૂંટણી પંચના મોટા એક્શન! કાર કરાઈ જપ્ત, જાણો શું છે સમગ્ર મામલો

• પંજાબમાં વિધાનસભા ચૂંટણી માટે મતદાન
• મોગામાં ફિલ્મ અભિનેતા સોનુ સુદની કાર જપ્ત કરાઇ
• અકાલીદળે સોનુ સુદ મતદાતાઓને પ્રભાવિત કરતા હોવાની કરી હતી ફરિયાદ

ઉલ્લેખનીય છે હાલમાં પંજાબમાં રાજ્યની 117 સીટો પર મતદાન ચાલી રહ્યું છે. મતદાનના દિવસે અકાલી દળની ફરિયાદ પર ભારતના ચૂંટણી પંચે બોલિવૂડ એક્ટર સોનુ સૂદની કારને મોગામાં મતદાન મથક પર જવાથી રોકી દીધી છે. 

Sonu Sood was trying to enter a polling booth. During this, his car was confiscated and he was sent home. Action will be taken against him if he steps out of his house: Moga District PRO Pradbhdeep Singh

His sister Malvika Sood is contesting from Moga as a Congress candidate. pic.twitter.com/Ueeb7CNy8t

— ANI (@ANI) February 20, 2022

ચૂંટણી પંચે કરી કાર્યવાહી 

સોનુ પર મતદારોને પ્રભાવિત કરવાનો આરોપ છે. ચૂંટણી પંચે તેમની કાર જપ્ત કરી અને તેમને અન્ય વાહનમાં ઘરે મોકલી દીધા અને તેમને ઘરે જ રહેવાની સૂચના આપી. અકાલી દળના પોલિંગ એજન્ટ દિદાર સિંહે ચૂંટણી પંચને ફરિયાદ કરી હતી કે સોનુ સૂદ મતદારોને પ્રભાવિત કરી રહ્યો છે. આ પછી ચૂંટણી પંચની ટીમે સોનુ સૂદને ફોલો કર્યો અને જો આરોપો સાચા જણાશે તો તેમની સામે કાર્યવાહી કરવામાં આવશે.

સોનુ સૂદે આપ્યું મહત્વનું નિવેદન 

પોલિંગ બૂથ પર જવાથી રોકવા પર સોનુ સૂદે જણાવ્યું હતું કે તેમના પર લગાવવામાં આવેલા આરોપો સંપૂર્ણપણે ખોટા છે. તેમણે મતદારોને કોઈપણ રીતે પ્રભાવિત કર્યા નથી. તેમના કહેવા પ્રમાણે, તેઓ માત્ર તેમના સમર્થકો પાસેથી રિપોર્ટ્સ લેતા હતા. સોનુ છેલ્લા ઘણા સમયથી તેની બહેન માલવિકા સૂદ માટે પ્રચાર કરી રહ્યો છે. માલવિકા મોગા સીટથી કોંગ્રેસના ઉમેદવાર છે. આ સીટ પર તેમની સીધી ટક્કર ભાજપના ઉમેદવાર હરજોત કમલ સાથે છે.

ફેસબુક લાઈવ દ્વારા બહેન માટે માગ્યું હતું સમર્થન

આ મામલે ડેપ્યુટી કમિશનર હરીશ નાયરનું કહેવું છે કે SSP પાસેથી સમગ્ર મામલાની રિપોર્ટ મંગાવવામાં આવી છે. આ અંગે પ્રશાસનનું કહેવું છે કે જો આરોપો સાચા જણાશે તો તેમની સામે કડક કાર્યવાહી કરવામાં આવશે. કોરોનાના સમયમાં ગરીબોના મસીહા બનેલા સોનુ સૂદે પણ આજે સવારે ફેસબુક લાઈવ દ્વારા તમામ લોકોને વોટ કરવાની અપીલ કરી હતી. તેમણે મોગાવાસીઓને બહેન માલવિકા સૂદને વધુમાં વધુ મતોથી વિજયી બનાવવા વિનંતી કરી.