દરોડા / પૂણેમાં સાત જગ્યાએ ED નાં દરોડા મુદ્દે નવાબ મલિકનો જવાબ, કહ્યું આ વાત અડધી ખોટી

NCP નેતા અને મહારાષ્ટ્ર રાજ્ય સરકારના મંત્રી નવાબ મલિકની મુશ્કેલીમાં વધારો થયો છે. પ્રવર્તન નિર્દેશાલય એટલે કે ઇન્ફોર્સમેન્ટ ડિરેક્ટોરેટના દ્વારા પૂણેના વકફ બોર્ડ જમીન કૌભાંડ મુદ્દે તપાસ કરવાની શરૂઆત થઈ ગઈ હોવાના સમાચાર આવ્યા હતા જેનાં પર નવાબ મળીકે ખુલાસો કર્યો હતો કે દરોડા વકફ બોર્ડ પડ્યા હોવાની વાત સાચી નથી. ED દ્વારા આજે આ મામલે તપાસના ભાગરૂપે દરોડા પાડવામાં આવ્યા હોવાના સમાચાર આવ્યા છે. વકફ બોર્ડ નવાબ મલિકની હેઠળ આવે છે માટે એવું માનવામાં આવે છે કે નવાબ મલિકને નિશાન બનાવીને સાત જગ્યાએ દરોડા પાડવામાં આવી રહ્યા હોવાની ચર્ચા શરૂ થઈ હતી. 

કરોડો રૂપિયાનું કૌભાંડ 

આ મામલે પૂણે પોલીસે ઓગસ્ટમાં બે અધિકારીની ધરપકડ કરી હતી. આ અધિકારીઓએ પદ પર રહીને 7.76 કરોડ રૂપિયાની ઉચાપત કર્યાનો આરોપ લાગ્યો હતો. આ મામલે હવે સમગ્ર તપાસ ઇડીએ પોતાની હેઠળ લઈ લીધી છે. જો કે હવે  એ સ્પષ્ટ થઈ નથી શક્યું કે ઇડીના દરોડા કઈ કઈ જગ્યાએ ચાલી રહ્યા છે. 

Maharashtra | Enforcement Directorate is conducting raids at seven locations in Pune, in connection Waqf Board land scam case

— ANI (@ANI) November 11, 2021

ભાજપના નેતાઓ પર નવાબ મલિકમાં આક્ષેપ 
ઇડીએ પૂણેના વકફ બોર્ડ વિરુદ્ધ કાર્યવાહી એવા સમયે જ કરી છે જ્યારે નવાબ મલિક ક્રૂઝ ડ્રગ્સ મામલે રોજ નવા નવા ઘટસ્ફોટ કરી રહ્યા છે. નવાબ મલિકે કહ્યું હતું કે દેવેન્દ્ર ફડણવીસના સીએમ સમયકાળ દરમિયાન અંડર વર્લ્ડ લોકોને ઘણી મદદ મળી હતી. તેઓને પદ આપવા સહિત નોટોનું રેકેટ ચલાવવા જેવા આરોપ તેમણે લગાવ્યા હતા. 

માનહાનિની નોટિસ 
દેવેન્દ્ર ફડણવીસ વિરુદ્ધ તેમની દીકરી અને જમાઈ સમીર ખાનના પાંચ કરોડના માનહાનિ કેસ સંદર્ભે નોટિસ મોકલી હતી. આ મામલે નવાબ મલિકે કહ્યું હતું કે ફડણવીસે થોડા દિવસ પગેલ આરોપ લગાવ્યો હતો  કે મારા જમાઈ પાસે ડ્રગ્સ મળ્યું છે મારી દીકરીએ  નોટિસ મોકલીને તેમણે માફી માંગવા માટે કહ્યું છે. આ આરોપોમાં કોઈ હકીકત નથી