રેડ / દિલ્હીનાં સ્વાસ્થ્ય મંત્રીનાં ઘરે હવે ED નાં દરોડા, મની લોન્ડિરીંગના આરોપ હેઠળ થઈ હતી ધરપકડ

• સત્યેન્દ્ર જૈનના નજીકના લોકોની 4.81 કરોડની સંપત્તિ જપ્ત કરવામાં આવી છે
• ED દ્વારા 30 મેના રોજ સત્યેન્દ્ર જૈનની 5 વર્ષ જૂના કેસમાં ધરપકડ કરવામાં આવી હતી.
• ED પાસે હાલમાં જૈનની 9 જૂન સુધી કસ્ટડી છે.

દિલ્હીના સ્વાસ્થ્ય મંત્રી સત્યેન્દ્ર જૈનની મુશ્કેલી વધી

આજે (6 જૂન) એન્ફોર્સમેન્ટ ડિરેક્ટોરેટે મની લોન્ડરિંગના સંબંધમાં જૈનના ઘર અને અન્ય જગ્યાઓ પર દરોડા પાડ્યા છે. આ પહેલા સત્યેન્દ્ર જૈનની ED દ્વારા 30 મેના રોજ 5 વર્ષ જૂના કેસમાં ધરપકડ કરવામાં આવી છે. 24મી ઓગસ્ટ, 2017ના રોજ નોંધાયેલા કેસમાં આરોપ છે કે સત્યેન્દ્ર જૈને જાહેર સેવક હોવા છતાં હવાલા દ્વારા 4.81 કરોડ રૂપિયા મેળવ્યા હતા. આ જ કેસમાં વધુ તપાસના આધારે સોમવારે પાડવામાં આવેલા દરોડા પાડવામાં આવ્યા છે. ED પાસે હાલમાં જૈનની 9 જૂન સુધી કસ્ટડી છે. 
 

The Enforcement Directorate (ED) today conducted searches at the residence of Delhi's Health and Home Minister Satyendar Jain in connection with hawala transactions related to a Kolkata-based company.

(File photo) pic.twitter.com/X9QKs1oD7R

— ANI (@ANI) June 6, 2022

4.81 કરોડની મિલકતો જપ્ત કરવામાં આવી છે

આ પહેલા એપ્રિલમાં EDએ જૈન અને તેમના પરિવારની લગભગ 4.81 કરોડની સંપત્તિ જપ્ત કરી હતી. EDએ આરોપ લગાવ્યો છે કે જૈનની નજીકના લોકો કેટલીક કંપનીઓ સાથે સંબંધ ધરાવે છે જેની મની લોન્ડરિંગ એક્ટ હેઠળ તપાસ કરવામાં આવી રહી છે. આશરે રૂ. 4.81 કરોડની સ્થાવર સંપત્તિ, અકિંચન ડેવલપર્સ પ્રાઇવેટ લિમિટેડ, પર્યાસ ઇન્ફોસોલ્યુશન્સ પ્રાઇવેટ લિમિટેડ, મંગલાયતન પ્રોજેક્ટ્સ પ્રાઇવેટ લિમિટેડ, ઇન્ડો મેટલ ઇમ્પેક્સ પ્રાઇવેટ લિમિટેડ JJ Ideal Estate Pvt Ltd વૈભવ જૈનની પત્ની સ્વાતિ જૈન, અજિત પ્રસાદ જૈનની પત્ની સુશીલા જૈન અને સુનીલ જૈનની પત્ની ઈન્દુ જૈન સાથે સંબંધિત છે.

આમ આદમી પાર્ટીએ રાજકીય ષડયંત્ર જણાવ્યું 

સત્યેન્દ્ર જૈનની ધરપકડ બાદ દિલ્હીના નાયબ મુખ્યમંત્રી મનીષ સિસોદિયાએ આરોપ લગાવ્યો હતો કે ED દ્વારા 'બનાવટી' કેસમાં સ્વાસ્થ્ય મંત્રીની ધરપકડ કરવામાં આવી હતી. તેમણે કહ્યું કે આવું એટલા માટે કરવામાં આવ્યું કારણ કે તેઓ હિમાચલ પ્રદેશની ચૂંટણી માટે આમ આદમી પાર્ટીના પ્રભારી છે અને BJPને ત્યાં ચૂંટણી હારવાનો ડર છે.તે જ સમયે, ED અધિકારીઓના જણાવ્યા અનુસાર, 30 મેના રોજ પૂછપરછ કર્યા પછી, જૈનને મની લોન્ડરિંગ એક્ટની કલમો હેઠળ કસ્ટડીમાં લેવામાં આવ્યો હતો. સત્યેન્દ્ર જૈન કેજરીવાલની આગેવાની હેઠળની દિલ્હી સરકારમાં આરોગ્ય, ઉદ્યોગ, વીજળી, ગૃહ, શહેરી વિકાસ અને પાણી મંત્રી છે.