કાર્યવાહી / મની લોન્ડરિંગ મામલે ED ની મોટી કાર્યવાહી, ચીન સમર્થિત 9 કંપનીના એકાઉન્ટ કર્યા ફ્રીઝ

• ED ની ચીન સમર્થિત કંપનીઓ પર કાર્યવાહી
• 9 કંપનીઓના બેંક ખાતા કરવામાં આવ્યા ફ્રીઝ
• કંપની દ્વારા ક્રિપ્ટોકરન્સીમાં રોકાણની લાલચ આપવામાં આવતી

કેન્દ્રીય તપાસ એજન્સી ઈડીએ ચીન સમર્થિત અનેક કંપનીઓ સામે મોટી કાર્યવાહી કરી છે. અનેક સ્થળોએ સર્ચ ઓપરેશન હાથ ધરતા ઇડીએ 9 કંપનીઓના બેંક ખાતા સાથે જોડાયેલા 9 કરોડ 82 લાખ રૂપિયા ફ્રીઝ કરી દીધા હતા. આનો અર્થ એ થયો કે હવે આ ચીની સમર્થિત કંપનીઓ તે નાણાંનો ઉપયોગ કરી શકશે નહીં. વાસ્તવમાં ચીન સમર્થિત કંપનીઓ પોતાની આર્થિક વ્યવસ્થા સાથે જોડાયેલી કંપનીઓનું નેટવર્ક ભારતની અંદર ફેલાવીને એક મોટા ષડયંત્ર માટે નેટવર્ક બનાવવાનો પ્રયાસ કરી રહી હતી, પરંતુ તપાસ એજન્સી ઈડીએ આ મામલે મોટો ખુલાસો કર્યો અને કહ્યું કે, કેવી રીતે બિટકોઈન અને અન્ય ક્રિપ્ટોકરન્સીમાં રોકાણની લાલચ આપવામાં આવી રહી છે કે રોકાણના બદલામાં મોટો નફો કમાવવાની લાલચ આપવામાં આવી રહી છે.

ચીની કંપનીઓની ભારતની આર્થિક વ્યવસ્થા પર ખરાબ નઝર
આ કેસની શરૂઆતની તપાસમાં એ પણ સામે આવ્યું છે કે ચીન સમર્થિત અનેક કંપનીઓની નજર ભારતની આર્થિક વ્યવસ્થા પર ગંદી નજર છે, પરંતુ તે તમામ મામલાઓ પર તપાસ એજન્સી ખૂબ જ સાવધાની સાથે વધુ તપાસ કરી રહી છે. કેન્દ્રીય તપાસ એજન્સીઓ દ્વારા જે કંપનીઓ સામે કાર્યવાહી કરવામાં આવી છે અને જેમના નામ તપાસ દરમિયાન સામે આવ્યા છે તે નીચે મુજબ છે.

1. Comein Network Technology Private Limited
2. Mobicred Technology Private Limited
3. Magic Data Technology Private Limited
4. Baitu Technology Private Limited
5. Aliyeye Network Technology India Pvt Ltd
6. Wecash Technology Private Limited
7. Larting Private Limited
8. Magic Bird Technology Private Limited
9. Acepearl Services Private Limited

નફાની લાલચ આપીને પૈસા એકઠા કરતા
ભારતની અંદર ચીનને અડીને આવેલા સરહદી વિસ્તારોમાં કાવતરાના તારને જોડવામાં લાગેલી ઈડીએ ગયા વર્ષે 8 ઓક્ટોબર 2021ના રોજ આ કેસને પોતાના હાથમાં લીધો હતો અને મની લોન્ડરિંગ એક્ટ હેઠળ તપાસ શરૂ કરી હતી. વાસ્તવમાં આ કેસ નાગાલેન્ડની રાજધાની કોહિમામાં સાઈબર ક્રાઈમ બ્રાન્ચમાં નોંધવામાં આવ્યો હતો. દાખલ કરવામાં આવેલી એફઆઇઆરમાં HPZ ટોકન નામની મોબાઇલ એપ અને તેની સાથે સંકળાયેલી ઘણી કંપનીઓ અંગેની માહિતી બહાર આવી હતી. બિટકોઇન અને અન્ય ક્રિપ્ટોકરન્સીમાં રોકાણના બદલામાં મોટો નફો આપવાની લાલચ આપવામાં આવી રહી હતી. નાગાલેન્ડ જેવા રાજ્યોથી શરૂ કરીને ચીન સમર્થિત તે કંપનીઓનું પ્રારંભિક નેટવર્ક પણ પ્રશ્નો અને તપાસના રડાર પર છે, કારણ કે નાગાલેન્ડ અથવા તેની આસપાસના રાજ્યો ચીનના સરહદી વિસ્તાર સાથે જોડાયેલા છે. આથી આ કેસમાં વધુ તપાસમાં ટૂંક સમયમાં જ બીજા ઘણા ખુલાસા થઇ શકે છે.

પહેલા પણ ઘણા ખાતા ફ્રીઝ કરવામાં આવ્યા હતા
જો કે ચીન સમર્થિત આ કંપનીઓ સાથે જોડાયેલા મામલામાં તપાસ એજન્સી ઈડી દ્વારા કરવામાં આવેલી કાર્યવાહી દરમિયાન ઘણા બેંક ખાતાઓમાંથી લગભગ 56 કરોડ 49 લાખ રૂપિયા ફ્રીઝ કરી દેવામાં આવ્યા છે. ઈડીની ટીમ દ્વારા 14 સપ્ટેમ્બર 2022ના રોજ સર્ચ ઓપરેશન પણ હાથ ધરવામાં આવ્યું હતું અને તે દરમિયાન કાર્યવાહી કરતા લગભગ 46 કરોડ 67 લાખ રૂપિયા ફ્રીઝ કરવામાં આવ્યા હતા. હાલ આ કેસમાં વધુ તપાસ ચાલી રહી છે.