coronavirus / કોરોના કહેર વચ્ચે ભારતમાં આ દેશના મોડલ પ્રમાણે ચૂંટણી યોજવા EC ની વિચારણા

• કોરોના વાયરસના કહેર વચ્ચે ચૂંટણી યોજવા EC ની વિચારણા
• ચૂંટણી યોજવા માટે દક્ષિણ કોરિયાના ચૂંટણી મોડેલની સમીક્ષા
• દેશમાં રાજ્યસભાની ચૂંટણી માર્ચમાં કરાઇ હતી રદ

ચૂંટણી કમિશનર અશોક લવાસાએ ગુરુવારે કહ્યું કે, અમારા લોકો ચૂંટણી યોજતી વખતે દક્ષિણ કોરિયા વતી પ્રક્રિયામાં થયેલા ફેરફારોનો અભ્યાસ કરી રહ્યા છે. તેમણે કહ્યું કે, ચૂંટણી દરમિયાન જે સુધારા કરવામાં આવ્યાં હતાં તે તમામની પણ EC કાળજી લેશે. જો કોરોના વાયરસ રોગચાળો જલ્દીથી સમાપ્ત થતો નથી, તો તે ચૂંટણી પ્રચાર અને ચૂંટણી પ્રક્રિયાને અસર કરશે તેના પર પુછવામાં આવેલા સવાલના જવાબમાં લવાસાએ ઉમેર્યું હતું કે, દેશના આરોગ્ય અધિકારીઓ અને અન્ય હોદ્દેદારોની સલાહ લીધા પછી તમામ જરૂરી પગલાં લેવામાં આવશે. જો કે, તેમણે ઉમેર્યું કે તે વર્તમાન પરિસ્થિતિ કેટલા સમય સુધી ખેંચાય છે તેના પર નિર્ભર રહેશે. તેમણે કહ્યું કે આ ક્ષણે તે કહેવું બહુ વહેલું છે કે કોવિડ -19 ભવિષ્યની ભારતીય ચૂંટણીને અસર કરશે.

જો કે ભૂતપૂર્વ મુખ્ય ચૂંટણી કમિશનર ઓ.પી. રાવત માને છે કે ભવિષ્યમાં યોજાનારી ચૂંટણીમાં વાયરસની કોઈ અસર નહીં પડે. તેમણે કહ્યું કે, આ પહેલા પણ રોગચાળો ઘણી વખત ફેલાયો છે, પરંતુ સિસ્ટમમાં કોઈ ફેરફાર કર્યા વિના ચૂંટણીઓ યોજવામાં આવી છે. પરંતુ અન્ય ભૂતપૂર્વ મુખ્ય ચૂંટણી કમિશનર નસીમ ઝૈદી સલાહ આપી છે કે ચૂંટણી પંચે ચૂંટણી કરાવવા માટે પ્રમાણભૂત કાર્યપદ્ધતિઓની સમીક્ષા કરવી જોઇએ અને તેના માટે એક ટાસ્ક ફોર્સની રચના કરવી જોઇએ.

આ ચૂંટણી પર પડ્યો છે પ્રભાવ

• માર્ચમાં 18 રાજ્યસભાની બેઠક પરની ચૂંટણીને સ્થગતિ કરવી પડી
• કેટલાંક પ્રદેશોમાં વિધાનસભા બેઠકોની પેટાચૂંટણીની તારીખ લંબાવાય
• આગામી નવેમ્બરમાં બિહારમાં વિધાનસભા ચૂંટણી યોજાશે
  ​

પૂર્વ ચૂંટણી અધિકારીઓની સલાહ 

• એક જ બ્રશથી તમામ મતદારોની આંગળી પર અમલમાં મૂકી શકાય તેવી શાહી લાગુ કરવાની સમીક્ષા
• દક્ષિણ કોરિયાની જેમ, મતદારોએ માસ્ક-ગ્લોવ્ઝ પહેરવા અને થર્મલ સ્કેનિંગ પછી જ બૂથમાં પ્રવેશ કરવો જરૂરી
• બૂથ પર સોશિયલ ડિસ્ટન્સિંગનાં ધારા-ધોરણોનું પાલન કરવું ફરજિયાત હોવું જોઈએ
• EVMનું બટન દબાવવા માટે દરેક મતદારને પેન્સિલ જેવી લાકડું અલગથી આપવી જોઈએ
• કોરોન્ટાઇન કરાયેલા લોકોને  મતદાનના સમય બાદ બૂથ પર બોલાવીને મત અપાવો જોઇએ