વિરોધ / સુરત ટેક્સટાઈલ ઉદ્યોગનો મોટો ફટકો : ડાઈંગ મીલ માલિકોએ એક મહિનો મીલ બંધ રાખવાનો નોંધાવ્યો વિરોધ

• ડાઈંગ મીલ માલિકોએ નોંધાવ્યો વિરોધ
• એક મહિનો મીલ બંધ રાખવાનો વિરોધ
• શનિ-રવિ બંધ રાખવાની તૈયારી

સુરતમાં ડાઈંગ મીલ એક મહિના માટે બંધ રાખવાના નિર્ણય મામલે વિરોધ જોવા મળી રહ્યો છે. સાઉથ ગુજરાત પ્રોસેસર એસોશિએસન દ્વારા આ નિર્ણય લેવામાં આવ્યો છે જેનો મોટા ભાગના મીલ માલિકો વિરોધ નોંધાવી રહ્યા છે. 

એક મહિનો મીલ બંધ રાખવાનો વિરોધ

સપ્તાહમાં બે દિવસ જ મીલ બંધ રાખવાની તરફેણમાં ઉદ્યોગકારો છે, ત્યારે કાચા માલના ભાવમાં થયેલા વધારા મામલે મીલ માલિકો એ મોરચો ખોલ્યો છે. કેમ કે ચીન ક્રાઈસીસીને લીધે કાચો માલ ન આવતા સ્થાનિક સપ્લાયરોએ ભાવ વધાર્યા છે, જે સપ્લાયર્સ દ્વારા રો-મટીરિયર્સના ભાવમાં પણ વધારો કરાયો છે. જો કે સપ્તાહમાં શનિ-રવિ મીલ બંધ રાખવાની મીલ માલિકોએ તૈયારી દર્શાવી છે પરતું એક મહિનો મીલ બંધ રાખવા મીલ માલિકોનો વિરોધ જોવા મળી રહ્યો છે. જો કે આ સમગ્ર મામલે 23 ઓક્ટોબરે મીલ માલિકો અને સંગઠનની મીટિંગમાં આ માટે નિર્ણય લેવાશે. 

કોલસાના ભાવમાં લગભગ ત્રણ ગણો વધારો થયો

મહત્વનું છે કે ભારતના સૌથી મોટા ટેક્સટાઈલ પ્રોસેસિંગ હબ અમદાવાદના નારોલના યુનિટો રો-મટીરીયલની અછત અને ભાવ વધારાના કારણે ગંભીર સ્થિતિનો સામનો કરી રહ્યા છે ત્યારે નારોલના યુનિટોમાં રો-મટીરીયલની ભારે અછત, કેટલાય લોકો બેરોજગાર થવાની ભીતિ સર્જાઈ છે કોલસા, કેમિકલ્સ અને ગ્રે કાપડના ભાવમાં પણ અસહ્ય વધારો થયો છે તેના પગલે અહીંના 120 જેટલા યુનિટોએ ઓક્ટોબર મહિનામાં દર શનિવાર અને રવિવારે ઉત્પાદન બંધ રાખવાનો નિર્ણય કર્યો છે. આ એસ્ટેટ લગભગ 1 લાખ લોકોને રોજગારી આપે છે પરંતુ જો સ્થિતિ માં સુધારો નહીં થાય તો કેટલાય લોકો બેરોજગાર થવાની ભીતિ સેવાઈ રહી છે. 

ટેક્સ્ટાઇલ પ્રોસેસિંગ યુનિટો માટે ગંભીર સ્થિતિ

ઉલ્લેખનિય છે કે ટેક્સ્ટાઈલ પ્રોસેસિંગ યુનિટો માટે ગંભીર સ્થિ સર્જાવાને લીધે કોલસાના ભાવમાં લગભગ ત્રણ વધારો થયો છે જ્યારે GMDCએ લિગ્નાઇટ ક્વોટા માત્ર 8 ટકા કરી દીધો છે તેવામાં ડાઇઝ - કલર કેમિકલ્સના ભાવમાં બે મહિનામાં 30-100 ટકા સુધીનો વધારો થયો છે તો બીજી તરફ ગ્રે કાપડના ભાવમાં પણ 20 ટકાથી વધુનો વધારો થયો છે. ટેક્સ્ટાઇલ પ્રોસેસિંગ યુનિટની ગંભીર સ્થિતિને જોતા નારોલના યુનિટો ઓક્ટોબરમાં દર શનિ-રવિવારે ઉત્પાદન બંધ કરી દેવામાં આવ્યા છે. તાત્કાલિક અસરથી તમામ યુનિટોએ પ્રોસેસિંગ ચાર્જમાં 20 ટકાનો ભાવ વધારો પણ કરી દીધો છે.