દ્વારકા / ઓખા નજીક સમુદ્રમાં બે જહાજ વચ્ચે ભયંકર ટક્કર, ઓઈલ લિકેજની ભીતિ, કોસ્ટગાર્ડે 43 ક્રૂ-મેમ્બરને બચાવ્યા

• અરબી સમુદ્રમાં બે જહાજો વચ્ચે ટક્કર
• ભારતીય કોસ્ટ ગાર્ડ મદદે પહોંચ્યું
• સદનસિબે કોઈ જાનહાનિ નહીં

ઓખા નજીક હોંગકોંગ અને માર્શનલ આઇસલેન્ડના બે વિદેશી જહાજો વચ્ચે ટક્કર થઇ હતી. આ ટક્કર થતા ઇમરજન્સી મદદની જરૂર પડી હતી. ભારતીય કોસ્ટગાર્ડના જહાજ અને હેલિકોપ્ટર મદદ માટે પહોંચ્યા હતા. સદનસિબે અકસ્માતમાં કોઈ જાનહાનિ થઇ નથી.

દુર્ઘટનાના કારણે ઓઇલ ઢોળાવાની ભીતી

મળતી માહિતી અનુસાર, ઓખાથી 10 નૉટિકલ મીલ કચ્છ તરફ સમુદ્રમાં 2 જહાજ એવી એવિએટર એટલાન્ટિક ગ્રેસ વચ્ચે 26 નવેમ્બરની રાત્રે 9.30 કલાકે ટક્કર થઇ હતી. દુર્ઘટનાના કારણે ઓઇલ ઢોળાવાની શક્યતાઓ સેવાઇ છે. ઓઈલને કારણે જળ પ્રદૂષણ ન ફેલાય એ માટેની કાર્યવાહી હાથ ધરવામાં આવી હતી. કોસ્ટગાર્ડની ટીમ ઘટનાસ્થળે પહોંચી ગઇ અને રાહત-બચાવની કામગીરી શરૂ કરી દીધી હતી.

ભારતીય સુરક્ષા એજન્સીએ 43 ક્રૂ-મેમ્બરને બચાવી લીધા

આ દરમિયાન બન્ને જહાજોમાં ભારતના 21 અને ફિલિપાઇન્સના 22 ક્રૂ મેમ્બર સવાર હતા. ભારતીય સુરક્ષા એજન્સીએ તમામ ક્રૂ-મેમ્બરને બચાવી લીધા હતા. અકસ્માતમાં મોટી જાનહાનિ ટળી હતી.