ભાજપે ઝારખંડના પૂર્વ રાજ્યપાલ દ્રોપદી મુર્મૂને રાષ્ટ્રપતિ પદના ઉમેદવાર જાહેર કરી દીધા છે.
વિપક્ષ બાદ શાસકે જાહેર કર્યાં રાષ્ટ્રપતિ પદના ઉમેદવાર
દ્રોપદી મુર્મૂ હશે NDAના રાષ્ટ્રપતિ પદના ઉમેદવાર
ભાજપની સંસદીય બેઠકમાં લેવાયો નિર્ણય
ભાજપ અધ્યક્ષ જેપી નડ્ડાએ કરી જાહેરાત
જાણીતા આદિવાસી નેતા અને ઝારખંડના પૂર્વ રાજ્યપાલ છે મુર્મૂ
દેશને પહેલા આદિવાસી રાષ્ટ્રપતિ મળી શકે છે કારણ કે ભાજપની આગેવાની વાળા એનડીએ ગઠબંધને આદિવાસી નેતા અને ઝારખંડના પૂર્વ રાજ્યપાલ દ્રોપદી મુર્મૂને રાષ્ટ્રપતિ પદના ઉમેદવાર જાહેર કરી દીધા છે. વિપક્ષ બાદ હવે શાસક પાર્ટી એનડીએ પણ તેના રાષ્ટ્રપતિ પદના ઉમેદવાર જાહેર કરી દીધા છે.
ભાજપ સંસદીય પક્ષની બેઠકમાં લેવાયો નિર્ણય
મંગળવારે પ્રધાનમંત્રી મોદીની અધ્યક્ષતામાં સંસદીય બોર્ડની બેઠક મળી હતી જેમાં દ્રોપદી મુર્મૂને રાષ્ટ્રપતિ પદના ઉમેદવાર બનાવવાનો નિર્ણય લેવાયો હતો. સંસદીય પક્ષની બેઠક બાદ ભાજપ અધ્યક્ષ જેપી નડ્ડાએ કહ્યું કે એનડીએ દ્રોપદી મુર્મૂને રાષ્ટ્રપતિ પદના ઉમેદવાર જાહેર કરવાનો નિર્ણય લીધો છે.
BJP parliamentary board discussed 20 names for presidential nominee, it was decided to pick someone from east India, a tribal & woman: Nadda
નડ્ડાએ કહ્યું કે ભાજપ સંસદીય બોર્ડે રાષ્ટ્રપતિ પદના ઉમેદવાર માટે 20 નામોની ચર્ચા કરી હતી અને તેમાંથી પૂર્વ ભારતમાંથી આદિવાસી અને મહિલાની પસંદગી કરવાનો નિર્ણય લેવાયો હતો.
25મીએ રાષ્ટ્રપતિનું નામાંકન દાખલ કરશે મુર્મુ
દ્રોપદી મુર્મુ 25મીએ રાષ્ટ્રપતિની ચૂંટણી માટેનું નામાંકન દાખલ કરી શકે છે એવું સૂત્રોએ જણાવ્યું હતું.
Draupadi Murmu, BJP's nominee for Presidential elections likely to file her nomination on June 25: Sources
એનડીએ પાસે રાષ્ટ્રપતિને ચૂંટી કાઢવા માટે પૂરતી બહુમતી છે તેથી દ્રોપદી મુર્મૂનું રાષ્ટ્રપતિ બનવું લગભગ નક્કી છે. જો તેઓ રાષ્ટ્રપતિ તરીકે ચૂંટાય તો દેશને પહેલા મહિલા આદિવાસી રાષ્ટ્રપતિ મળી શકે છે.
Former Jharkhand governor and tribal leader Draupadi Murmu to be BJP-led NDA candidate for presidential polls: BJP chief J P Nadda
દ્રૌપદી મુર્મુ એક ભારતીય રાજકારણી છે અને 18 મે 2015 થી 2021 સુધી ઝારખંડના રાજ્યપાલ તરીકે રહી ચૂક્યા છે. તેઓ તેઓ પ્રથમ ઓડિયા નેતા છે જેઓ ઝારખંડના ગવર્નર તરીકે રહ્યા છે. તેમણે 2000 થી 2004 સુધી ઓડિશા વિધાનસભામાં રાયરંગપુરથી ધારાસભ્ય અને રાજ્ય સરકારમાં મંત્રી તરીકેની જવાબદારી વહન કરેલી છે.
કોણ છે દ્રૌપદી મુર્મૂ
ઝારખંડના રાજ્યપાલ રહી ચુક્યા છે દ્રૌપદી મુર્મૂ
વર્ષ 2015થી 2021 સુધી ઝારખંડના રાજ્યપાલ રહ્યા
ઓડિસાની સાંતલ આદિવાસી કોમ્યુનિટીમાંથી આવે છે મુર્મૂ
ભારતીય જનતા પાર્ટીમાં સિનિયર નેતાઓમાં સ્થાન પામે છે
વર્ષ 2000થી 2002 સુધી ઓડિસા સરકારમાં ટ્રાન્સપોર્ટ અને કોમર્સ મંત્રી રહ્યા
ઓડિસાની રાયરંગપુર વિધાનસભાથી ધારાસભ્ય પણ રહી ચૂક્યા છે મુર્મૂ
વિપક્ષે ટીએમસીના પૂર્વ નેતા અને પૂર્વ નાણામંત્રી યશવંત સિંહાને રાષ્ટ્રપતિ પદના ઉમેદવાર જાહેર કર્યાં છે. વિપક્ષની આજે મળેલી બેઠકમાં યશવંત સિંહાને સર્વાનુમતે રાષ્ટ્રપતિ પદના ઉમેદવાર ચૂંટી કાઢવામાં આવ્યાં હતા. આ બેઠકમાં ભાગ લેતા પહેલા યશવંત સિન્હાએ ટ્વીટ કર્યું, "TMCમાં મને જે સન્માન અને સન્માન આપ્યું છે તે માટે હું મમતા બેનર્જીનો આભારી છું. હવે સમય છે જ્યારે, એક વિશાળ રાષ્ટ્રીય હેતુ માટે, મારે પક્ષથી દૂર જવું જોઈએ અને વિપક્ષી એકતા માટે કામ કરવું જોઈએ. મને ખાતરી છે કે પાર્ટી મારા આ પગલાને સ્વીકારશે. TMCમાં આજે મળનારી વિપક્ષની બેઠકમાં રાષ્ટ્રપતિ ચૂંટણીના ઉમેદવાર તરીકે યશવંત સિન્હાના નામનો પ્રસ્તાવ મૂકશે. જાણકારી મુજબ તૃણમૂલ કોંગ્રેસના ટોચના નેતાઓ દ્વારા આ મામલે ચર્ચા કર્યા બાદ સિન્હાએ આ પ્રસ્તાવ પર સહમતિ વ્યક્ત કરી છે.
18 જૂલાઈએ રાષ્ટ્રપતિની ચૂંટણી
વિપક્ષ અને શાસક એમ બન્નેએ રાષ્ટ્રપતિના ઉમેદવાર જાહેર કરી દીધા છે એટલે હવે યશવંત સિંહા અને દ્રોપદી મુર્મૂ વચ્ચે ચૂંટણી થશે. 18 જૂલાઈએ રાષ્ટ્રપતિની ચૂંટણી થવાની છે.