જ્યોતિષ શાસ્ત્રની યુતિ મિથુન રાશિમાં ડબલ રાજયોગનુ નિર્માણ કરી રહી છે. આ રાજયોગનો લાભ આ રાશિના જાતકોને ખાસ મળશે.
બુધ અને શુક્રની યુતિથી બની રહ્યો છે ડબલ રાજયોગ
આ રાજયોગનો લાભ આ રાશિના જાતકોને ખાસ મળશે
આ રાશિઓની ગોચર કુંડળીમાં ડબલ રાજયોગ બની રહ્યો છે
જ્યોતિષ શાસ્ત્ર મુજબ એક જ રાશિમાં બે ગ્રહો સાથે હોવા યુતિ કહેવાય છે. 13 જુલાઈએ શુક્ર ગ્રહે મિથુન રાશિમાં પ્રવેશ કર્યો છે, જ્યાં પહેલાથી બુધ ગ્રહ બિરાજમાન છે. એક જ રાશિમાં આ બંને સાથે હોવાથી મહારાજયોગનુ નિર્માણ થઇ રહ્યું છે. જેનો પ્રભાવ આમ તો 12 રાશિઓ પર જોવા મળશે. પરંતુ ત્રણ રાશિઓને આ મહાયોગનો વધુ લાભ થશે. આ રાશિઓની ગોચર કુંડળીમાં ડબલ રાજયોગ બની રહ્યો છે.
મિથુન રાશિ
જ્યોતિષ શાસ્ત્ર મુજબ આ રાશિમાં મહારાજયોગનુ નિર્માણ થઇ રહ્યું છે, તેથી આ રાશિના જાતકો માટે વિશેષ રીતે લાભ થવાનો છે. મહત્વનું છે કે આ રાશિના જાતકોની ગોચર કુંડળીમાં બે રાજયોગનુ નિર્માણ થઇ રહ્યું છે. બુધ પોતાની રાશિમાં બિરાજમાન હોવાથી ભદ્ર નામનો રાજયોગ બની રહ્યો છે. તો શુક્ર ગ્રહ સાથે હોવાથી કેન્દ્ર ત્રિકોણ રાજયોગ પણ બની રહ્યો છે. આ ડબલ રાજયોગથી ભૌતિક સુખ પ્રાપ્ત થશે. જ્યારે દશમા સ્થાન પર ગુરૂ હોવાથી હંસ નામના રાજયોગનુ નિર્માણ થઇ રહ્યું છે.
કન્યા રાશિ
આ રાશિ માટે પણ આ રાજયોગ શુભ સાબિત થશે. આ રાશિની ગોચર કુંડળીમાં બુધ ગ્રહ ભદ્ર નામના રાજયોગનુ નિર્માણ કરી રહ્યો છે. આ યોગ બિઝનેસમાં લાભ કરાવશે. તો સંતાન પક્ષથી કોઈ શુભ સમાચાર મળી શકે છે. આ સાથે બુધાદિત્ય યોગ પણ બની રહ્યો છે, તેથી નોકરિયાત વર્ગને કાર્યસ્થળ પર માન-સન્માનની પ્રાપ્તિ થઇ શકે છે. આ દરમ્યાન ભાગ્યેશ, કર્મેશ, ધનેશની સાથે હોવાથી વેપારમાં સારો ધનલાભ હોઇ શકે છે. નવી નોકરીની ઑફર આવી શકે છે.
મકર રાશિ
આ રાશિના જાતકોની ગોચર કુંડળીમાં બે રાજયોગ બની રહ્યાં છે. જેમાં રૂચક અને શશ નામના રાજયોગનુ નિર્માણ થઇ રહ્યું છે. આ બંને રાજયોગ આકસ્મિક ધનલાભ કરાવશે. જો કોઈ નવુ કાર્ય કરવાનુ વિચારી રહ્યાં છો તો આ સમય અનુકૂળ છે. વેપારમાં અમુક પૈસા લગાવવા માંગો છો તો તો આ કરી શકો છો. નોકરીની નવી ઑફર આવી શકે છે. કોઈ પણ નિર્ણય લેતા પહેલા એક વખત વિચાર કરી લો. રાશિ પર સાડાસાતી ચાલી રહી છે. આ દરમ્યાન ભાગ્યનો ભરપૂર સાથ મળશે.