ગજબ / હવે ખિસ્સામાં ડૉક્ટર! iPhone 13 Pro Maxથી દર્દીઓની સારવાર, જાણો કેવી રીતે

iPhoneના બંને મોડલમાં મેક્રો છે ફોટોગ્રાફીનો વિકલ્પ 
દર્દીઓની આંખના ચેકપ માટે થાય છે આ ફીચરનો ઉપયોગ 
2 સેન્ટીમીટર સુધીના સબજેક્ટનો લઈ શકાય ફોટો 

Apple iPhone 13 સીરીઝ ગતમહિને લોન્ચ કરવામાં આવી હતી. આ સીરીઝમાં ચાર નવા સ્માર્ટફોન લોન્ચ કરવામાં આવ્યા હતા. IPhone 13 Pro અને iPhone 13 Pro Maxમાં કંપનીએ મેક્રો ફોટોગ્રાફીનો ઓપ્શન આપ્યો છે. 

                                              Dr Tommy Korn via LinkedIn

Dr Tommy Kornએ LinkedIn પર શેર કરી હતી વિગતો 
iPhone 13 Pro Max ના મેક્રો મોડથી ડોકટરો દર્દીઓની આંખના ફોટા કેપ્ચર કરે છે. ત્યારબાદ તેઓ દર્દીઓની મેડિકલ કંડીશન સમજે છે. ઓપ્થેલ્મોજિસ્ટ Dr Tommy Kornએ LinkedIn પર આ અંગેની વિગતો શેર કરી છે. ડોક્ટરે આ અંગેની સંપૂર્ણ પદ્ધતિ પણ જણાવી છે. અન્ય એન્ડ્રોઇડ ફોનની જેમ એપલે પણ મેક્રો ફોટોગ્રાફી માટે iPhone 13 Pro Maxમાં નવા લેન્સનો ઉપયોગ કર્યો છે. 
 

2 સેન્ટીમીટર સુધીના સબજેક્ટનો લઈ શકાય ફોટો 
કંપનીએ અલ્ટ્રાવાઇડ કેમેરામાં જ મેક્રો-ફોટોગ્રાફીનો ઓપ્શન આપ્યો છે. તેનાથી 2 સેન્ટીમીટર સુધીના સબજેક્ટનો ફોટો લઈ શકાય છે. Dr Tommy Korn હાલ Sharp Rees-Stealy Medical Groupની સાથે કામ કરી રહ્યા છે. તેમણે iPhone 13 Pro Maxથી કેવી રીતે દર્દીની સારવાર કરે છે તે અંગેનું ઉદાહરણ પણ આપ્યું છે. ડોક્ટરે તેનો ઉપયોગ કોર્નિયાના દર્દીઓની સારવાર માટે કર્યો હતો. ડોક્ટરે તેનો ઉપયોગ દર્દીની આંખોને મોનીટર કરવા માટે કર્યો હતો. ડોક્ટરે કહ્યું છે કે તેઓએ ફોટો પોસ્ટ કરવા માટે પરવાનગી લીધી હતી.