બેસ્ટ ટિપ્સ / દિવાળીમાં એકવાર ઘરે જ કરો આ નેચરલ ફેશિયલ, ફેસ પર આવશે એવો શાનદાર ગ્લો કે નહીં જવું પડે પાર્લર

• દિવાળીમાં ચમકાવો ચહેરો
• પાર્લર જવાની જરૂર નહીં પડે
• આ ઘરેલૂ વસ્તુઓ કરશે મેજિકલ અસર

સ્ટેપ 1 ક્લીન્ઝિંગ

સૌથી પહેલાં તમારા ફેસની ગંદકી દૂર કરવા માટે ક્લીન્ઝર તૈયાર કરો. તેના માટે એક વાટકીમાં 3 ચમચી કાચું દૂધ અને તેમાં અડધી ચમચી હળદર પાઉડર મિક્સ કરી કોટન બોલથી ક્લિન ફેસ પર લગાવો. 15 મિનિટ રાખીને ધોઈ લો. આવું કરવાથી ગંદકી, ઓઈલ અને ડેડ સ્કિન દૂર થઈ જશે. 

સ્ટેપ 2 સ્ટીમિંગ

પોર્સને ઓપન કરવા માટે સ્ટીમિંગ ખૂબ જ જરૂરી સ્ટેપ છે. જો તમારી પાસે સ્ટીમિંગ મશીન ન હોય તો એક તપેલીમાં પાણીને ગરમ કરી ફેસ તપેલી તરફ ઝુકાવી ઉપર ટુવાલ ઓઢીને પણ સ્ટીમ લઈ શકો છો. આવું કરતી વખતે ફેસને હળવા હાથે પ્રેસ કરો. આનાથી તમારા પોર્સ ઓપન થઈ જશે. 

સ્ટેપ 3 સ્ક્રબિંગ

સ્ક્રબ બનાવવા માટે સૌથી પહેલાં 1 ચમચી ચોખાનો લોટ, અડધી ચમચી રોઝ પાઉડર, અડધી ચમચી બદામનો પાઉડર અને 2-3 ચમચી દૂધ મિક્સ કરી પેસ્ટ બનાવી લો અને તેને ફેસ પર લગાવી. હવે 5 મિનિટ બાદ ફેસ પર હળવા હાથે સ્ક્રબ કરીને દૂર કરી દો અને ફેસ વોશ કરી લો. 

સ્ટેપ 4 ફેશિયલ મસાજ

એક વાટકીમાં થોડું દહી લઈ તેમાં ચપટી હળદર અને 1 ચમચી એલોવેરા જેલ મિક્સ કરીને ચહેરા પર લગાવો અને 10 મિનિટ સુધી ફેસ પર હળવા હાથે મસાજ કરો. દહીંમાં લેક્ટિક એસિડ હોય છે જે ચહેરા પર નિખાર લાેવે છે. 

સ્ટેપ 5 ગ્લો માસ્ક

ગ્લો માસ્ક બનાવવા માટે એક વાટકીમાં અડધી ચમચી મુલતાની માટી અને અડધી ચમચી બેસન મિક્સ કરીને તેમાં ચપટી હળદર પાઉડર અને 1 ચમચી ચંદન પાઉડર મિક્સ કરી લો. છેલ્લે તેમાં અડધો લીંબુનો રસ અને દૂધ મિક્સ કરીને પેસ્ટ જેવું બનાવી લો. આ પેક લગાવીને સૂકાય જાય એટલે ફેસ વોશ કરી લો. બસ થઈ ગયું તમારું નેચરલ ફેશિયલ.