જાતિવાદ / રાજસ્થાનમાં દલિત બાળકીઓની જાતિ પૂછી ખાવાનું ફેંકાવી દીધું, રસોયાની થઈ ધરપકડ

• રાજસ્થાનમાં ફરી એક વાર દલિત અત્યાચારનો કિસ્સો સામે આવ્યો
• અહીં એક શાળામાં દલિત બાળકીઓના હાથમાં ખાવાનું ફેંકાવી દીધું હતું
• વાલીઓએ વિરોધ કરતા રસોયાની ધરપકડ કરી 

રાજસ્થાનના ઉદયપુરની સરકારી સ્કૂલમાંથી દલિત વિદ્યાર્થિનીઓને ફરી એક વાર જાતિવાદી માનસિકતાનો શિકાર થવું પડ્યું હતું. આરોપ છે કે સ્કૂલમાં રાખેલા રસોયાએ ખાવાનું પિરસવા આવેલી બે બાળકી સાથે આ દુર્વ્યવહાર કર્યો હતો. સૂચના મળતા ઘટનાસ્થળે પોલીસ પહોંચી આરોપી રસોયાની ધરપકડ કરી હતી. વિદ્યાર્થિનીઓના વાલીઓએ આરોપી વિરુદ્ધ એસસી/એસટી એક્ટ અંતર્ગત કાર્યવાહી કરવાની માગ કરી છે, પોલીસ આ મામલે તપાસ કરી રહી છે.  

પોલીસના જણાવ્યા અનુસાર, આ મામલો ઉદયપુરના ગોગુંદા વિસ્તારનો છે. અહીં રાજકીય ઉચ્ચ પ્રાથમિક સ્કૂલ ભારોડીમાં ભણતી બે બાળકીઓ સાથે રસોયા લાલારામ ગુર્જરે નિમ્ન કક્ષાની માનસિકતા પ્રદર્શિત કરી હતી. હકીકતમાં સ્કૂલમાં દરરોજ બે બાળકીઓ મિડ ડે પિરસવાની જવાબદારી આપવામાં આવી છે, શુક્રવારે પણ આ જવબદારી બે વિદ્યાર્થિનીઓને અપાઈ. સંજોગોવસાત આ વિદ્યાર્થિનીઓ દલિત સમુદાયમાંથી આવે છે. તેમને જોતા જ રસોયાએ પહેલા તો તેમની જાતિ પૂછી અને બાદમાં તેમના હાથમાં રહેલુ ભોજન ફેંકાવી દીધું હતું. વિદ્યાર્થિનીઓને આ વાત પસંદ આવી નહીં અને નારાજ થઈને વિરોધ કર્યો. પણ તેમની વાત કોઈએ સાંભળી નહીં.

વાલીની ફરિયાદ પર થઈ કાર્યવાહી

સ્કૂલથી છુટ્યા બાદ બંને વિદ્યાર્થિનીઓએ ઘરે આવીને પોતાના વાલીને જાણ કરી. વાલીઓએ તેની ચર્ચા ફળિયામાં રહેતા લોકો સાથે કરી અને રસોયા વિરુદ્ધ ભારે ગુસ્સે થયા લોકો. ત્યાર બાદ ગામલોકોએ પહેલા શાળાના આચાર્ય અને બાદમાં તેની જાણકારી ગોગુંદા પોલીસ સ્ટેશનમાં આપી. પોલીસે વાલીની ફરિયાદ પર તાત્કાલિક રસોયા લાલારામ વિરુદ્ધ ફરિયાદ નોંધી અને આરોપીની ધરપકડ઼ કરી લીધી.

રસોયાએ કરી હતી જાતિવાદી ટિપ્પણી

પોલીસ અધિકારી ભૂપેન્દ્ર સિંહનું કહેવુ છે કે, આરોપી રસોયો કેટલાય વર્ષથી આ શાળામાં મધ્યાહ્ન ભોજન બનાવે છે. મોટા ભાગે તે બાળકો પાસે ખાવાનું પિરસાવે છે. શુક્રવારે તેણે પહેલી વાર બંને પીડિત વિદ્યાર્થિનીઓને બોલાવી, પણ જેવું તેઓ ખાવાનું પિરસવા માટે ઉઠ્યા, તો પહેલા તેમની જાતિ પુછી અને આપત્તિજનક ટિપ્પણીમ કરી અને તેમના હાથમાં રહેલુ ખાવાનું ફેંકાવી દીધું. તેમણે જણાવ્યું હતુ કે, બંને બાળકી સાતમા અને એક આઠમા ધોરણમાં અભ્યાસ કરે છે.