રાજધાની દિલ્હીમાં પાંચ બાળકોને સલામતીના ધોરણોની ઐસી તૈસી કરીને ફક્ત પૈસા કમાવવા માટે કોચિંગ સંસ્થાઓ ચલાવનારા લોકોના સ્વાર્થ માટે પોતાનું જીવન આપવું પડ્યું. દિલ્હીના ભજનપુરા વિસ્તારમાં કોચિંગ સેન્ટરની છત પડી જતાં પાંચ બાળકોના કરુણ મોત નિપજ્યા છે.
બાજુની ચાલુ બાંધકામ વાળી ઈમારત કોચિંગ સેન્ટર ઉપર પડી
અનેક લોકો હજુ દટાયા હોવાની આશંકા
આ ઘટના ત્યારે બની જ્યારે બાળકો કોચિંગ સેન્ટરના વર્ગખંડમાં અભ્યાસ કરતા હતા. આ અકસ્માતમાં પાંચ બાળકોનાં મોત નીપજ્યાં છે, તો ઘણા બાળકો ગંભીર રીતે ઘાયલ થયા છે, જેને નજીકની હોસ્પિટલમાં દાખલ કરવામાં આવ્યા છે.
હાલમાં દિલ્હી ફાયર બ્રિગેડની ટીમ ત્યાં રાહત અને બચાવ કામગીરી કરી રહી છે અને કાટમાળમાં દબાયેલા બાળકોને બહાર કાઢવામાં આવી રહ્યા છે. કહેવામાં આવી રહ્યું છે કે આ દુર્ઘટનામાં કોચિંગ ડિરેક્ટર પણ ઘાયલ થયા છે.
આ ઘટના અંગેની માહિતી મળતાં દિલ્હીના મુખ્યમંત્રી અરવિંદ કેજરીવાલે પણ આ અંગે દુ:ખ વ્યક્ત કર્યું છે અને લોકોને વહેલી તકે ત્યાં પહોંચવાની તાકીદ કરી છે. આ સાથે જ ડેપ્યુટી સીએમ મનીષ સિસોદિયાએ આ કેસમાં જવાબદાર વ્યક્તિ સામે કડક કાનૂની કાર્યવાહી કરવાની માંગ કરી છે.
भजनपुरा से बहुत बुरी खबर आ रही है। भगवान सब को सलामत रखे। थोड़ी देर में वहां पहुंचूंगा। https://t.co/LZojwG18b0
અકસ્માત બાદ અત્યાર સુધીમાં 13 લોકોને હોસ્પિટલમાં દાખલ કરવામાં આવ્યા છે. ત્રણ વિદ્યાર્થીઓ હજી લાપતા છે. કાટમાળ દૂર કરવાની કામગીરી ચાલુ છે. મળતી માહિતી મુજબ, જ્યાં કોચિંગ ચાલતું હતું તેની બાજુના મકાનમાં બાંધકામનું કામ ચાલી રહ્યું હતું, આ બાંધકામ અચાનક પડી જવાના કારણે કોચિંગ રૂમ પણ તેની ઝપેટમાં આવી ગયો હતો.
જિલ્લા ડીસીપી વેદપ્રકાશ સૂર્યાએ આ ઘટના અંગે જણાવ્યું હતું કે, "અકસ્માતમાં ત્રણ છોકરીઓ અને એક શિક્ષકનું મોત નીપજ્યું છે. બચાવ ટીમો સ્થળ પર રાહત કાર્યમાં વ્યસ્ત છે. એનડીઆરએફ, ફાયર બ્રિગેડ અને પોલીસ લોકોને બહાર કાઢવાની કોશિશ કરી રહી છે. 15 લોકો દટાઇ ગયા હોવાની આશંકા વ્યક્ત કરવામાં આવી છે. 8 ઘાયલોને હોસ્પિટલોમાં દાખલ કરવામાં આવ્યા છે, જ્યારે ચાર લોકોનાં મોત નીપજ્યાં છે.
તેમણે કહ્યું, "મૃતકોમાં તે વિદ્યાર્થીઓ છે જે અકસ્માત સમયે કોચિંગ સેન્ટરમાં અભ્યાસ કરતા હતા, જ્યારે એક શિક્ષકનું પણ મોત નીપજ્યું છે. અંદર દટાઈ ગયેલા લોકોની ચોક્કસ સંખ્યા જાણી શકાઈ નથી. દટાઈ ગયેલા લોકોને સુરક્ષિત બહાર કાઢવાના પ્રયાસો ચાલુ છે."
ડીસીપી વેદપ્રકાશ સૂર્યાએ કહ્યું કે, "બાંધકામ ચાલી રહેલા બાજુના બિલ્ડિંગનો બીજો અને ત્રીજો માળ ધરાશાયી થઈ ગયો, જેનું આખું વજન બાજુના મકાનમાં પડ્યું જેમાં કોચિંગ સેન્ટર ચાલતું હતું."