દિલ્હી હાઈકોર્ટે આદેશમાં જણાવ્યું હતું કે, "સ્ત્રીની ગર્ભાવસ્થા એ તેણીની વિશેષ પરિસ્થિતિ છે અને કસ્ટડીમાં બાળકનો જન્મ માત્ર માતા માટે જ દુઃખદાયક નથી, પરંતુ બાળક પર કાયમી પ્રતિકૂળ અસર પણ કરશે.
સ્ત્રીની ગર્ભાવસ્થા એ તેણીની વિશેષ પરિસ્થિતિ: દિલ્હી હાઈકોર્ટ
માતૃત્વ દરમિયાન દરેક ગર્ભવતી મહિલા સન્માનની હકદાર: દિલ્હી હાઈકોર્ટ
દિલ્હી હાઈકોર્ટે અપહરણ અને હત્યાના પ્રયાસના આરોપી સગર્ભા મહિલાના ત્રણ મહિનાના વચગાળાના જામીન મંજૂર કર્યા છે. વાત જાણે એમ છે કે, અપહરણ અને હત્યાના પ્રયાસના આરોપી મહિલા ગર્ભવતી હોઇ કોર્ટમાં વચગાળાના જામીનની અરજી કરી હતી. જેને લઈ દિલ્હી હાઈકોર્ટે દરેક સગર્ભા સ્ત્રી માતૃત્વ દરમ્યાન બંધારણ દ્વારા આપેલ ગૌરવની હકદાર છે તેમ કહી આરોપી સગર્ભા મહિલાના ત્રણ મહિનાના વચગાળાના જામીન મંજૂર કર્યા હતા.
દિલ્હી હાઈકોર્ટના જસ્ટિસ અનૂપ કુમાર મેંદિરત્તાએ કહ્યું કે, સ્ટડીમાં બાળકને જન્મ આપવો એ માત્ર માતા માટે જ દુઃખદાયક નથી, પરંતુ તે બાળક પર પણ વિપરીત અસર કરશે. કોર્ટે 18 ઓગસ્ટના તેના આદેશમાં જણાવ્યું હતું કે, "સ્ત્રીની ગર્ભાવસ્થા એ તેણીની વિશેષ પરિસ્થિતિ છે અને કસ્ટડીમાં બાળકનો જન્મ માત્ર માતા માટે જ દુઃખદાયક નથી, પરંતુ બાળક પર કાયમી પ્રતિકૂળ અસર પણ કરશે, ખાસ કરીને જ્યારે પણ તેના જન્મ વિશે પ્રશ્ન થશે.
જસ્ટિસ અનૂપ કુમાર મેંદિરત્તાએ જણાવ્યું હતું કે, દરેક સગર્ભા સ્ત્રીને માતૃત્વ દરમ્યાન ભારતના બંધારણના અનુચ્છેદ 21 હેઠળ સન્માનની હકદાર છે. ખંડપીઠે કહ્યું, તેવી અપેક્ષા રાખવામાં આવે છે કે, અરજદારને જામીન પર મુક્ત કરવામાં કોઈ ગંભીર ખતરો ન હોય ત્યાં સુધી બાળકના જન્મના હિતોને ધ્યાનમાં રાખવું જોઈએ.