IPLIN
 

નવી દિલ્હી / CM કેજરીવાલના ઘર બહાર તોડફોડ, AAPએ ભાજપ પર પ્રહાર કર્યા તો મળ્યો આ જવાબ

Team VTV 09:45 PM, 13 Dec 20 | Updated: 10:22 PM, 13 Dec 20
Follow us
Delhi cmo cctv broken arvind kejriwal residence bjp aap

દિલ્હીના મુખ્યમંત્રી અરવિંદ કેજરીવાલના ઘર બહાર તોડફોડનો મામલો સામે આવ્યો છે. મુખ્યમંત્રી કાર્યાલયનું કહેવું છે કે ધરણા પર બેઠેલા ભાજપના નેતાઓએ મુખ્યમંત્રીના ઘર પર લાગેલા CCTV કેમેરા તોડ્યા છે. જોકે ભાજપે આકરી પ્રતિક્રિયા આપી છે. મહત્વનું છે કે, છેલ્લા એક સપ્હાતથી BJPના નેતાઓ ધરણા કરી રહ્યા છે. મુખ્યમંત્રી આવાસની બહાર BJPના ધરણા યથાવત છે. ભાજપ નેતાઓ13 હજાર કરોડના ફંડની માંગ સાથે ધરણા કરી રહી છે.

  • મુખ્યમંત્રી અરવિંદ કેજરીવાલના ઘર બહાર તોડફોડ
  • AAPએ ભાજપ પર લગાવ્યા આરોપ
  • ભાજપે કહ્યું કે, AAP ગંદી રાજનીતિ પર ઉતરી આવ્યું

મુખ્યમંત્રી અરવિંદ કેજરીવાલના ઘર બહાર તોડફોડ મામલે AAPના આક્ષેપો મામલે ભાજપે કહ્યું કે, AAP ગંદી રાજનીતિ પર ઉતરી આવ્યું છે. ધરણા પર બેઠેલી મહિલા કાઉન્સિલરો પર નજર રાખવા માટે નવા CCTV લગાવી દીધા, જ્યારે CM હાઉસની બહાર પહેલાથી જ બહુ બધા કેમેરા લાગ્યા છે. આ કોઇ પણ મહિલાની અંગતતા પર હુમલો છે. AAPનો મહિલા વિરોધી ચેહરો ફરી એક વખત ઉજાગર થઇ ચૂક્યો છે.

મહિલાની પ્રાઇવેસીનું ધ્યાન રાખ્યા વિના CCTV કેમેરા લગાવી દીધા: મેયર

મેયર જયપ્રકાશે કહ્યું કે, અમે 7 દિવસથી મુખ્યમંત્રીના ઘર બહાર છીએ, પરંતુ મુખ્યમંત્રી મળવાનું તો દૂર, વાત પણ નથી કરવા માંગતા. આજે મહિલા કાઉન્સીલર ઉંઘી રહી હતી, ત્યાં CM ઓફિસના લોકોએ મહિલાની પ્રાઇવેસીનું ધ્યાન રાખ્યા વિના CCTV કેમેરા લગાવી દીધા, જેનો મહિલા કાઉન્સિલરોએ વિરોધ કર્યો. 

CCTV કેમેરાથી ડર શેનો? ઃ AAP

મેયરે કહ્યું કે, એવી અરાજકતા ન ફેલાવો, અમે કોઇ કેમેરા નથી તોડ્યા, બસ મહિલા કાઉન્સિલરો પર જે CCTV કેમેરા લાગી રહ્યા હતા તેને ન લગાવવા દીધા. ત્યારે, ભાજપના જવાબ પર AAPએ પૂછ્યું કે, CCTV કેમેરાથી ડર શેનો? ભાજપ નેતા CCTV તોડીને શું કરવા માંગતા હતા?

delhi BJP aap ભાજપ આપ દિલ્હી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ