Relationship / ડેટ પર જતી વખતે આ બાબતોનું રાખો ખાસ ધ્યાન, પાર્ટનર પર પડશે સારી ઇમ્પ્રેશન  

• ડેટ પર જતી વખતે રાખો આ બાબતોનુ ધ્યાન
• પ્રિય પાત્ર પર છોડો તમારી સારી ઇમ્પ્રેશન
• પહેલી ડેટ ન બની જાય છેલ્લી ડેટ 

એકબીજાને સમજો

આજે દરેક વ્યક્તિ ડેટ પર જવા ઇચ્છે છે, ડેટ પર જવાથી બે લોકો એકબીજાને સારી રીતે સમજી શકે છે. એક બીજાને જાણે છે અને બાદમાં સાથે રહેવુ કે નહી તેનો નિર્ણય કરે છે. તમે પણ ડેટ પર જાઓ તો સામેના પાત્રને સમજવાનો પ્રયત્ન કરો. તમારી ડેટ એવી હોવી જોઇએ જે યાદગાર રહી જાય અને છુટા પડતી વખતે બંને પાત્રો બ્લશ કરતા કરતા છૂટા પડે. 

બૉડી લેન્ગવેજ

બૉડીલેન્વેજ દ્વારા તમે સામેવાળા પાત્રને સારી રીતે સમજી શકો છો. ડેટ પર તમારુ સહજ રહેવુ ખૂબ જરૂરી છે, વધારે નર્વસ કે ઉત્સાહિત થવુ તમારી ડેટ બગાડી શકે છે. આઇ કોન્ટેક્ટ રાખવો ખૂબ જરૂરી છે જો તમે વાત કરતા કરતા બીજી વસ્તુઓ જોશો તો એવુ લાગશે કે તમે એ વ્યક્તિને મળવામાં ઇન્ટ્રસ્ટેડ નથી. 

    
પબ્લિક પ્લેસ સિલેક્ટ કરો

પહેલી ડેટ હંમેશા પબ્લિક પ્લેસ પર હોવી જોઇએ જેથી બંનેમાંથી એક પણ વ્યક્તિને મળવામાં સંકોચ ન થાય. બંને એકબીજાને સમજી શકે અને બાદમાં બીજી વાર મળવાનો પ્લાન પણ બનાવી શકે. 

ગિફ્ટ લઇ જાઓ

કોઇ પણ વ્યક્તિને ગિફ્ટ ખૂબ પસંદ હોય છે એમાં પણ જ્યારે તેને સરપ્રાઇઝ મળે ત્યારે તે વ્યક્તિને ખૂબ જ સ્પેશિયલ ફીલ થાય છે. તો જ્યારે પણ તમે ડેટ પર જાઓ ત્યારે સામેવાળી વ્યક્તિ માટે ગિફ્ટ લઇ જાઓ.