ઘરેલૂ ઉપાય / રસોઈની આ 1 ચીજનો કરી લો ખાસ વસ્તુઓ સાથે પ્રયોગ, ઝડપથી દૂર થશે ડાર્ક સર્કલ્સની સમસ્યા અને ચમકશે ચહેરો

• ડાર્ક સર્કલ્સની સમસ્યાથી જલ્દી મળશે છૂટકારો
• દૂધને ખાસ વસ્તુઓ સાથે મિક્સ કરીને કરો પ્રયોગ
• જાણો કયા કારણોને લીધે થાય છે ડાર્ક સર્કલ્સની સમસ્યા

આંખની નીચે ડાર્ક સર્કલ્સની સમસ્યા આજકાલ મહિલાઓ અને પુરુષોને માટે વધી રહી છે. આના કારણોમાં સતત સ્ક્રીન સામે જોવું, પૂરતી ઊંઘ ન લેવી, ચિંતા અને અન્ય અનેક વાતો જવાબદાર છે. અત્યાર સુધી આંખ નીચે કાળા ડાઘા જોવા મળતા અને તેના કારણે આપણે થાક અને વૃદ્ધાવસ્થાનો અનુભવ કરતા. પણ જો તમે ડાર્ક સર્કલ્સની સમસ્યાથી પરેશાન છો તો દૂધનો ઉપયોગ કરો. તે ડાર્ક સર્કલ્સને માટે ફાયદો કરે છે. તેમાં ત્વચાને લાઈટ કરવાનો ગુણ હોય છે. 

આ કારણે થાય છે ડાર્ક સર્કલ્સ
આંખની નીચેના કાળા કુંડાળા આવવાના અનેક કારણો છે. તેમાં આનુવંશિકતા, ઉંમરનો વધારો, સૂકી સ્કીન, વધારે રડતા રહેવું, કમ્પ્યુટર સામે વધારે સમય સુધી કામ કરવું, માનસિક અને શારિરિક ચિંતા, ઊંઘ પૂરી ન થવી અને પૌષ્ટિક ભોજનનો અભાવ સામેલ છે. હેલ્થ એક્સપર્ટનું માનો તો અલગ અલગ ઉંમરમાં સ્ત્રી કે પુરુષમાં આ સમસ્યા અલગ અલગ રહે છે.  

આ છે દૂધના સરળ ઘરેલૂ ઉપાયો જે તમે ડાર્ક સર્કલ્સથી અપાવશે રાહત

બટાકાનો રસ અને દૂધ
સૌ પહેલા એક બટાકુ લો અને તેને છીણીને તેને દબાવીને તેનો રસ કાઢી લો. એક ચમચી બટાકાનો રસ લો અને એક ચમચી ઠંડુ દૂધ લો. આ બંનેને મિક્સ કરી લો, આ મિશ્રણને કોટન બોલની મદદથી આંખની નીચે લગાવો. 15-20 મિનિટ સુધી તેને રહેવા દો અને પછી પાણીથી ધોઈ લો. કાળા કુંડાળા હટાવવા માટે આ ઉપાયને દૂધની સાથે રોજ કરી શકાય છે.  

ઠંડું દૂધ
સૌ પહેલા એક વાટકીમાં થોડું ઠંડું દૂધ લો અને તેમાં કોટન બોલને ડિપ કરો. હવે તેને આંખ પર એવી રીતે લગાવો કે તમારી આંખો ઢંકાઈ જાય. તેને 20 મિનિટ સુધી રહેવા દો. આ પછી તેને હટાવીને ફ્રેશ પાણીથી મોઢું ધોઈ લો. આ ઉપાય દિવસમાં 3 વાર કરી શકાય છે. આ સૌથી બેસ્ટ ઉપાય છે.  

ગુલાબજળ અને દૂધ
ઠંડુ દૂધ અને ગુલાબજળને બરોબર મિક્સ કરો. આ મિશ્રણમાં કોટન બોલ્સ ભીના કરો. તેને આંખ પર સારી રીતે ફેલાવીને રાખો. ડાર્ક સર્કલ્સને પણ કવર કરો. 20 મિનિટ સુધી રાખ્યા બાદ તેને હટાવી લો. આ ઉપાય તમે અઠવાડિયામાં 3 વાર કરી શકો છો. 

બદામ તેલ અને દૂધ
આ બંને ચીજોને એકસરખા પ્રમાણમાં એક વાટકીમાં મિક્સ કરો અને તેમાં કોટન બોલને ડીપ કરો. બરોબર રીતે પલળી ગયા બાદ કોટન બોલ્સને આંખ પર અને ડાર્ક સર્કલ્સ પર લગાવો. 15-20 મિનિટ રાખી લીધા બાદ તેને સારી રીતે ધોઈ લો. આ ઉપાય તમે દર બીજા દિવસે એક વાર કરી શકો છો.  

મધ, લીંબુ અને કાચું દૂધ
એક ટેબલ સ્પૂન કાચું દૂધ લો અને તેમાં 1/4 ચમચી લીંબુનો રસ મિક્સ કરો. દૂધ ફાટી જાય એટલે તેમાં 1 ચમચી મધ મિક્સ કરો. હવે આ મિશ્રણથી આંખની આસપાસ 3-4 મિનિટ માટે મસાજ કરો. આ પછી તેને 10 મિનિટ સુધી તેમ જ રહેવા દો. આ પછી પાણીથી ચહેરો ધોઈ લો અને નિયમિત રીતે આ ક્રિયા કરો. તમને તેનું રીઝલ્ટ ઝડપથી જોવા મળશે.