કાર્યવાહી / દમણથી પાર્ટી કરીને પરત ફરતી વખતે 43 સુરતીઓએ એવું કામ કર્યું કે જવું પડ્યું પોલીસ સ્ટેશન

• વલસાડ પોલીસે ખાનગી ટ્રાવેલ્સની બસમાંથી ઝડપ્યો દારૂ
• બસ ચાલક અને ક્લીનર સહિત 43 મુસાફરો ઝડપાયા
• પોલીસે 21 લાખનો મુદ્દામાલ જપ્ત કરી કાર્યવાહી હાથ ધરી

પાર્ટીના શોખીન સુરતીઓ આખી બસ ભાડે કરી દમણ ફરવા ગયા હતા. પરંતુ પરત ફરતી વખતે તેઓ થેલામાં વિદેશી દારુ ભરીને આવી રહ્યા હતા. આ દરમિયાન પાતલીયા ચેકપોસ્ટ પર પારડી પોલીસે બસ રોકીને તપાસમાં કરતા તમામ લોકોને દારૂ સાથે ઝડપાયા હતા. 1 લાખ રૂપિયાની કિંમતના વિદેશી દારૂ સહિત કુલ 21 લાખનો મુદ્દામાલ કર્યો જપ્ત કર્યો હતો.

આ બસમાંથી ઝડપાયેલા લોકો સુરતના બારડોલી અને ઓલપાડ સહિતના વિસ્તારના રહેવાસી છે. પારડી પોલીસે તમામને ઝડપીને કાયદેસરની કાર્યવાહી હાથ ધરી છે. પોલીસે તમામ સામે પ્રોહિબિશન એક્ટની વિવિધ કલમ મુજબ ગુનો નોંધી તપાસ હાથ ધરી છે.