દુઃખદ / કેન્સરથી હવે આ જાણીતા અભિનેતાનું થયું નિધન, મુંબઈમાં લીધા છેલ્લા શ્વાસ

• લોકપ્રિય ટીવી શો ક્રાઈમ પેટ્રોલ ફેમ એક્ટર શફીક અંસારીનું થયું નિધન
• 10 મેએ લીધા છેલ્લા શ્વાસ
• લાંબા સમયથી કેન્સરની બીમારીથી પીડાઈ રહ્યાં હતા

શફીકના નિધનથી ટીવી ઈન્ડસ્ટ્રીમાં શોકનો માહોલ છે. જ્યારે સોશિયલ મીડિયા પર ફેન્સ દુઃખ જાહેર કરી રહ્યાં છે. CINTAA (સિને એન્ડ ટીવી આર્ટિસ્ટ એસોસિએશન)એ પણ શફીકના નિધન પર દુઃખ વ્યક્ત કર્યું છે. CINTAAએ ટ્વિટ કરીને લખ્યું- શફીક અંસારીના નિધન પર અમારી સંવેદનાઓ વ્યક્ત કરીએ છીએ. શફીક જૂન 2008થી સિન્ટાના મેન્બર પણ હતા. 

#CINTAA expresses it's deepest condolence on the demise of Mr. Ansari Shafique (Member since : June 2008)@DJariwalla @sushant_says @amitbehl1 @sanjaymbhatia @SuneelSinha @deepakqazir @NupurAlankar @abhhaybhaargava @JhankalRavi @rakufired @neelukohliactor @RajRomit pic.twitter.com/4aoZVesxLF

— CINTAA_Official (@CintaaOfficial) May 10, 2020

શફીકએ તેના કરિયરની શરૂઆત આસિસ્ટન્ટ ડિરેક્ટર અને રાઈટર તરીકે કરી હતી. ત્યારબાદ તેમણે એક્ટિંગ ફીલ્ડમાં પદાર્પણ કર્યું. એક રિપોર્ટ મુજબ શફીક ઘણાં વર્ષોથી પેટના કેન્સર સામે લડી રહ્યાં હતા. જોકે, અંતે તેઓ આ બીમારી સામે જંગ હારી ગયા. તમને જણાવી દઈએ કે, શફીક ક્રાઈમ પેટ્રોલ સહિત ઘણી ફિલ્મોમાં પણ જોવા મળ્યા હતા. 

શફીક અંસારી, અમિતાભ બચ્ચનની ફિલ્મ બાગબાનના સ્ક્રીનરાઈટર્સમાંથી એક હતા. શફીકે એક રાઈટર તરીકે દોસ્ત, ઈજ્જતદાર, પ્રતિજ્ઞા, દિલ કા હીરા જેવી ફિલ્મોમાં કામ કર્યું હતું.