ફ્રોડ / ક્રેડિટ કાર્ડનો ડેટા ચોરી કરવા કાર્ડની જરૂર નથી, આ માહિતી લીક થશે તો ખાલી થઈ જશે એકાઉન્ટ

• ફ્રોડ માટે ફિઝિકલી કાર્ડ પાસે હોય હોય એ જરૂરી નથી
• ઓનલાઈન શોપિંગ પોર્ટલ કે ફૂડ ડિલીવરી એપથી ડેટા એક્સેસ કરી શકાય છે
• ક્રેડિટ કાર્ડ નંબર્સ, બેંક એકાઉન્ટ વગેરે ખરીદવામાં આવે છે

ડિજિટલ વર્લ્ડમાં કોઈપણ વ્યક્તિની ઓળખ હોતી નથી અને માત્ર 0 અને 1 બાઈનરી નંબર તરીકે ડેટા અવેલેબલ હોય છે. આ જ કાર્ડ્સની ડિટેલ્સ જેમ કે નામ, સીવીવી, એક્સપાયરી ડેટ વગેરેની મદદથી કોઈપણ પોઈન્ટ ઓફ સેલ (POS) જેવા કે, રેસ્ટોરન્ટ, ઓનલાઈન સાઈટ અથવા તો પેટ્રોલ પંપ વગેરે પર શોપિંગ કરી શકાય છે.  

ઓનલાઈન શોપિંગ પોર્ટલ કે ફૂડ ડિલીવરી એપથી ડેટા એક્સેસ કરી શકાય છે

તમને જણાવી દઈએ કે કોઈપણ ઓનલાઈન શોપિંગ પોર્ટલ અથવા ફૂડ ડિલીવરી એપ જેવી જગ્યાએથી તમારો ડેટા એક્સેસ કરી શકાય છે. આ સિવાય સ્પેશિયલ ટૂલનો ઉપયોગ કરીને ઈન્ટરનેટ પર હાજર અજ્ઞાત સ્થાન 'ડાર્ક વેબ'થી પણ સાઈબર ક્રિમિનલ દ્વારા લોકોની જાણકારીઓ જેમ કે ક્રેડિટ કાર્ડ નંબર્સ, બેંક એકાઉન્ટ વગેરે ખરીદવામાં આવે છે. 

1.3 મિલિયન ભારતીય બેકિંગ કસ્ટમર્સના ડેટા ચોરી થાય છે

એક રિપોર્ટ પ્રમાણે એવું કહેવાય છે કે લગભગ 1.3 મિલિયન ભારતીય બેકિંગ કસ્ટમર્સના ડેબિટ અને ક્રેડિટ કાર્ડ ડાર્ક વેબમાં ડમ્પ થાય છે. જેથી ડાર્ક વેબની મદદથી સાઈબર ક્રિમિનલ્સ માટે લોકોનો ડેટા ચોરી કરવો મુશ્કેલ નથી.

આ સિવાય પોપ અપ મેસેજ, ફિશિંગ, લિંકિંગ અને ખોટી વેબસાઈટ દ્વારા પણ સાઈબર ક્રિમિનલ લોકોનો ડેટા ચોરી કરી રહ્યાં છે. તેની સાથે જ તમારા ફોનમાં રહેલી કોઈ એપ દ્વારા પણ તમારો ડેટા ચોરી શકાય છે. જો કોઈ ઓર્ગેનાઈઝેશન પાસે તમારો ડેટા છે અને હેકર્સ તે ઓર્ગેનાઈઝેશનની વેબસાઈટ હેક કરી લે તો તમારો પણ ડેટા ચોરી થઈ શકે છે. જેથી આવા ફ્રોડથી બચવા ક્યારેય તમારો ડેટા શેર કરવો નહીં.