Covid 19 Second Wave / કોરોના દર્દીઓમાં મોટાભાગે જોવા મળી રહ્યા છે આ લક્ષણો, ડોક્ટર્સે આપી ખાસ ચેતવણી

• કોરોનાની બીજી લહેર બની જીવલેણ
• 24 કલાકમાં 1388 દર્દીના મોત
• નવા સ્ટ્રેનમાં જોવા મળે છે આ ખાસ લક્ષણો

 
કોરોનાની બીજી લહેર ભારતને માટે જીવલેણ સાબિત થઈ રહી છે. મળતી માહિતિ અનુસાર છેલ્લા 24 કલાકમાં 1388 મોત થયા છે. જે સૌથી વધારે છે. જે રીતે કોરોનાનું સંક્રમણ વધી રહ્યું છે સ્વાસ્થ્ય સેવાઓ નબળી પડી રહી છે. ગયા વર્ષ કરતા આ બીજી લહેર ઝડપથી ફેલાઈ રહી છે. બેકાબૂ આ લહેર અનેક નવા લક્ષણો પણ સામે લાવી રહી છે. કોવિડના મ્યૂટેન્ટ હેરાન કરનારા છે. એક્સપર્ટનું કહેવું છે કે વાયરસ પહેલાથી વધારે મજબૂત અને સંક્રામક બની રહ્યો છે. જેના કારણે કેસ પણ વધી રહ્યા છે. તો જાણો કયા છે આ નવા સ્ટ્રેનના લક્ષણો જે આજકાલ વધારે જોવા મળી રહ્યા છે. 
 

કોરોનાના લક્ષણ છે સિમ્પટોમેટિક
પહેલાની સરખામણીએ કોરોનાના લક્ષણો વધારે સિમ્પટોમેટિક બની રહ્યા છે. કોરોનાના લક્ષણમાં ગળામાં ખરાશ અને દર્દ સામેલ છે. સંક્રમણના લગભગ 52 ટકાથી વધારે કેસમાં આ લક્ષણ જોવા મળી રહ્યું છે. આ સાથે ખાવા અને પાણી પીવામાં પણ રોગીને ગળામાં દર્દ કે બળતરા અનુભવાય છે. આ સિવાય દર્દી થાક, વાયરલ ઈન્ફેક્શન અનુભવે છે. 

આ લક્ષણો પણ છે કોરોનાના નવા સ્ટ્રેન માટે જવાબદાર
જો દર્દીને માંસપેશીમાં દર્દ, સાંધામાં દર્દ, શરીરમાં ખૂબ જ વધારે દર્દ રહે છે તો  તે મુખ્ય કારણ માઈગેલિયા છે. જે માંસપેશી ફાઈબર અને ટિશ્યૂ લાઈનિંગ પર હુમલો કરનારા વાયરસના કારણે છે. સંક્રમણ સમયે શરીરમાં સાંધા, નબળાઈ અને શરીરમાં દર્દ પણ થઈ શકે છે.  આ સિવાય દર્દીને ઠંડી ચઢવી, ધ્રૂજારી થવી કે સામાન્ય તાવ આવવો એ પણ શક્ય છે. જીવ મિચલાવવાની સાથે ઉલ્ટી પણ તેના શરૂઆતના લક્ષણો છે. ડાયરિયા કે લૂઝ મોશન કોરોના સંક્રમણનો સંકેત છે. આ સિવાય ચક્કર આવવા કે બહેરાશ, મસલ્સ પેન, સ્કીન ઈન્ફેક્શન, ઓછું દેખાવવું એ પણ કોરોનાના નવા સ્ટ્રેન હોવાનું જણાવી રહ્યા છે.