કોરોના વાયરસ ઝડપથી દેશમાં પગપેસારો કરી રહ્યો છે. દેશમાં કોરોના સંક્રમિતોની સંખ્યા ત્રણ હજારને પાર કરી ગઈ છે. એવામાં સ્થિતિ પર કાબૂ મેળવવા માટે ભારત સરકાર શક્ય એટલા પ્રયાસો કરી રહી છે. આ દરમિયાન એવા સમાચાર આવી રહ્યાં છે કે, ટીવી એક્ટ્રેસ અંકિતા લોખંડેના એપાર્ટમેન્ટને સીલ કરી દેવામાં આવ્યો છે. તેના એપાર્ટમેન્ટમાં એક શખ્સ કોરોના પોઝિટિવ જોવા મળ્યો છે.
તમને જણાવી દઈએ કે, મળતી માહિતી પ્રમાણે અંકિતા લોખંડે સહિત અન્ય જાણીતા સ્ટાર્સ પણ મુંબઈના મલાડ સ્થિત એક મોલની પાછળ આવેલી હાઉસિંગ સોસાયટીમાં રહે છે. અહીં અંકિતા સહિત અશિતા ધવન, નતાશા શર્મા, મિશ્કત વર્મા જેવા સેલેબ્સ પણ રહે છે. અહીં ડી વિંગમાં રહેતા એક શખ્ત થોડાં દિવસ પહેલાં જ સ્પેનથી પાછો આવ્યો હતો. જેનો કોરોના રિપોર્ટ પોઝિટિવ આવવાથી સોસાયટીમાં હડકંપ મચી ગયો છે અને સોસાયટીને સીલ કરી દેવામાં આવી છે.
ઉલ્લેખનીય છે કે, એ શખ્સ સ્પેનથી ભારત આવ્યો હતો અને એરપોર્ટ પર કોરોના નેગેટિવ જોવા મળ્યો હતો. જોકે, 12મા દિવસથી તેનામાં કોરોનાના લક્ષણ જોવા મળ્યા હતા. જેથી એ શખ્સને કારણે અન્ય લોકોમાં પણ કોરોના ફેલાવાનો ડર હતો, જોકે બધાનો ટેસ્ટ નેગેટિવ આવ્યો હતો. જે બાદ સાવચેતીના પગલે એપાર્ટમેન્ટ સીલ કરી દેવામાં આવ્યો હતો અને ત્યાં પોલીસ પણ ગોઠવી દેવામાં આવી હતી, જેથી કોઈ બહાર નીકળી શકે નહીં.
જો સમાચારની પુષ્ટિ એપાર્ટમેન્ટમાં જ રહેતી ટીવી એક્ટ્રેસ અશિતા ધવને કરી છે. તેણે કહ્યું- આ વાત સાચી છે કે, અમારા એપાર્ટમેન્ટમાં એક શખ્સનો કોરોના રિપોર્ટ પોઝિટિવ આવ્યો છે અને તે હાલ ક્વોરંટાઈનમાં છે. જોકે, આ બધાંમાં મુંબઈ પોલીસ અને બીએમનું કામ પ્રશંસનીય છે. તેઓ આ સમયે ઘણી મદદ કરી રહ્યાં છે.