અમદાવાદ સાયબર ક્રાઈમે વધુ એક બંટી બબલી ઝડપ્યા, હાઈપ્રોફાઈલ મહિલા સાથે સંબંધ રાખીને નાણા કમાવવાની લાલચ આપી તોડપાણી કરતી જોડી કાનૂનના સકંજામાં
અમદાવાદમાંથી બંટી બબલી ઝડપાયા
સાયબર ક્રાઈમે કરી ધરપકડ
ડેટિંગના નામે પડાવતા હતા પૈસા
અમદાવાદ પોલીસના સકંજામાં વધુ એક બંટી-બબલીની જોડી આવી ચૂકી છે. અત્યાર સુધી લોકોને ધંધા અને પ્રોપર્ટીના નામે છેતરપીંડી કરતી જોડી વિશે તો જાણવા મળ્યું હશે. પરંતુ આ વખતે પોલીસના કબજામાં એક એવી જોડી આવી છે. જે લોકોને હાઈપ્રોફાઈલ સ્ત્રી સાથે શારીરિક સંબંધ બાંધવાની ઓફર કરતી હતી. જેના માટે સારી એવી રકમ પણ વસૂલ કરતી હતી. લોકોની લાલચને હથિયાર બનાવીને નાણા કમાવવાના કાળા કામનો અંજામ આવી ગયો છે.
અમદાવાદમાં અનેક જગ્યાએ સ્પાના નામે અનેક ગોરખધંધા ચાલી રહ્યા છે. ત્યારે પોલીસ અને પબ્લિકથી દૂર રહીને ઓનલાઈન ફ્રોડનો વધુ એક કિસ્સો અમદાવાદમાં સામે આવ્યો છે. લોકોની લાલચનો લાભ લઈને બંટી-બબલીની જોડીએ 7 લાખ રૂપિયા પડાવ્યાછે. યુવાનોને હાઈપ્રોફાઈલ ગર્લ સાથે સંબંધ, ડેટિંગ અને ફિઝિકલ રિલેશનમાં લાવવાની લાલચ આપવામાં આવતી હતી. આ સાથે યુવાનોને આવા રિલેશનથી ઈન્કમ પણ કરવાની લાલચ આપવામાં આવતી હતી. આ બંટી-બબલીએ ફ્રોડ કરવા માટે પ્રિયંકા પટેલના નામથી નકલી આઈડી બનાવ્યું હતું. અને ફેસબુકનો ઉપયોગ કરીને યુવાનોને ફસાવવાનો તખ્તો તૈયાર કરી રાખ્યો હતો. જેમાં અમદાવાદનો પણ એક વ્યક્તિ ફસાયો હતો. આ વ્યક્તિ સાથે થોડા દિવસ બાદ વાત કરીને તેને વિશ્વાસમાં લીધો હતો. જે બાદ યુવતીઓ સાથે સંબંધની વાતો શરૂ કરી ફસાવવાની શરૂઆત કરી દીધી હતી.
સૌ પ્રથમ પ્રોસેસિંગના નામે 500 રૂપિયા લેવામાં આવે છે. જે બાદ જુદી-જુદી યુવતીઓ સાથે મુલાકાત અને હોટલનું ભાડુ એડવાન્સ જ લઈ લેવામાં આવે છે. જેમાં અલગ અલગ નામની યુવતીઓ સાથે મિટિંગ માટેના પણ અલગ રૂપિયા લેવામાં આવે છે. આવી રીતે ઓનલાઈન ફોન-પે અને અન્ય એપ્લિકેશનથી 7 લાખ રૂપિયા લઈ લીધા હતા. પરંતુ અંતે કંઈ હાથમાં ન આવતા યુવકને પોલીસ સ્ટેશન જવું પડ્યું હતું.