ભારતમાં કોરોના વેક્સિનેશનને વધારો આપવા માટે ભારત સરકારે મોટો નિર્ણય લીધો છે.
વેક્સિન લેનારાઓને 5000 રૂપિયા મેળવવાની તક
સરકારે શરૂ કરી સ્પર્ધા
વેક્સિન લેતી તસવીર શેર કરી મળી શકે છે લાભ
દેશમાં કોરોના વાયરસના કેસમાં સતત વધારો જોવા મળી રહ્યો છે અને કોરોનાની બીજી લહેરમાં કોરોના કેસમાં વિસ્ફોટ જોવા મળ્યો છે. કોરોનાની પહેલી અને બીજી લહેરમાં એક મોટો તફાવત છે કે આ વખતે દેશ પાસે કોરોના વાયરસની વેક્સિન છે. એવામાં લોકોને વેક્સિન લેવા માટે પ્રોત્સાહન મળે તે માટે સરકાર નીતનવી પદ્ધતિ અપનાવી છે.
શું છે આખો મામલો?
ભારતમાં કોરોના વેક્સિન લેવા માટે લોકોને વધુને વધુ પ્રોત્સાહિત કરવામાં આવી રહ્યા છે ત્યારે વેક્સિનને વધારો આપવા માટે સરકાર વેક્સિન લેનારાઓને ઉપહાર આપવા જઈ રહી છે. રસીકરણની સાથે સરકારે એક સ્પર્ધા શરૂ કરી છે જેના માધ્યમથી ડોઝ લેનારા લોકોને પાંચ હજાર રૂપિયા આપવામાં આવશે.
કોણ ભાગ લઈ શકે?
આ સ્પર્ધામાં ભાગ લેવા માટે ઘરમાંથી કોઈએ રસી લીધી હોય અથવા પોતે રસી લીધી હોય તેવા વ્યક્તિએ ઓનલાઈન જ એન્ટ્રી મોકલવાની રહેશે. જૉ એન્ટ્રીમાં પસંદગી ઠ થઈ જાય તો સરકાર તરફથી પાંચ હજાર રૂપિયા આપવાં આવશે.
શું કરવું પડશે?
સ્પર્ધામાં ભાગ લેવા માટે પોતાનો અથવા પરિજનનો વેક્સિન લેતી તસવીર શેર કરવાની રહેશે. ઓનલાઈન માધ્યમથી આ તસવીર મોકલવાની રહેશે અને તેની સાથે એક ટેગલાઇન પણ આપવાની રહેશે જેથી સમજી શકાય કે કોરોના વાયરસ વેક્સિનનું મહત્વ શું છે.
કોને મળશે ઈનામ?
સ્પર્ધામાં ભાગ લેવા માટે Mygov વેબસાઇટ પર જવાનું રહેશે અને તેમાં માંગવામાં આવેલ માહિતી ભરવાની રહેશે, સરકાર દ્વારા જે એન્ટ્રી સૌથી બેસ્ટ હશે તેની પસંદગી કરવામાં આવશે. દર મહિને 10 એન્ટ્રીની પસંદગી કરવામાં આવશે અને તેમને 5000 રૂપિયાની રકમ આપી દેવામાં આવશે. MYgov દ્વારા આધિકારિક ટ્વિટમાં સંપૂર્ણ જાણકારી આપી દેવામાં આવી છે.
ક્યાં સુધી ચાલશે આ સ્પર્ધા
આ સ્પર્ધામાં ભાગ લેવા માટે હજુ ઘણો સમય છે. આ સ્પર્ધા આ વર્ષના અંત એટલે કે 31 ડિસેમ્બર 2021 સુધી ચાલુ રહેશે.