Coronavirus Vaccine Updates: એસ્ટ્રાઝેનેકા અને ઑક્સફર્ડ યુનિવર્સિટી દ્વારા વિકસિત કોરોના રસી AZD1222 ના પરિક્ષણના પ્રોત્સાહક પરિણામ આવી રહ્યાં છે. આ રસીના ત્રીજા તબક્કાનું માનવ પરીક્ષણ ચાલી રહ્યું છે. જ્યારે કંપનીએ બીજા તબક્કાના પરિણામો અંગે ખુશી વ્યક્ત કરી.
રસી પરનો અત્યાર સુધીનો શ્રેષ્ઠ ડેટા
કોરોના માટે રામબાણ બનશે ઑક્સફર્ડ વૅક્સીન
એસ્ટ્રાઝેનેકા વિશ્વની સૌથી મોટી ફાર્મા કંપની બની શકે
એસ્ટ્રાઝેનેકા અને ઑક્સફર્ડ યુનિવર્સિટી દ્વારા વિકસિત કોરોના રસીનું ત્રીજા તબક્કે માનવ પરીક્ષણ ચાલી રહ્યું છે. બીજા તબક્કાના પરિણામો પર ખુશી વ્યક્ત વ્યક્ત કરતા કંપનીએ કહ્યું છે કે તેનો ડેટા ટૂંક સમયમાં સાયન્સ જર્નલમાં પ્રકાશિત કરવામાં આવશે.
રસી પરનો અત્યાર સુધીનો શ્રેષ્ઠ ડેટા
કંપનીના ચીફ એક્ઝિક્યુટિવ પાસ્કલ સોરીટ્ઝે જણાવ્યું હતું કે વેક્સીનનો વિકાસ સારો ચાલી રહ્યો છે. અમને અત્યાર સુધી રસી પરીક્ષણ અંગેના શ્રેષ્ઠ ડેટા મળી રહ્યા છે. જે વોલિયન્ટર્સને રસી આપવામાં આવી હતી તેમનામાં વાયરસ વિરુદ્ધ એન્ટીબોડીની સાથે સાથે વ્હાઈટ બ્લડ સેલ્સ Killer T-Cells પણ જોવા મળ્યાં.
કોરોના માટે રામબાણ બનશે ઑક્સફર્ડ વૅક્સીન
કોરોના વાયરસની રસી વિકસાવવા માટે હાલમાં લગભગ 180 વિકલ્પો પર કામ ચાલી રહ્યા છે અને જુદા જુદા સંશોધન દ્વારા સકારાત્મક પરિણામો મળવા લાગ્યા છે. અમેરિકાની મોડર્ના ઇન્ક રસી mrna1273 પણ માણસો પરના પ્રથમ ટ્રાયલમાં સફળ રહી છે.
એસ્ટ્રાઝેનેકા વિશ્વની સૌથી મોટી ફાર્મા કંપની બની શકે
ડ્રગ ઉત્પાદક એસ્ટ્રાઝેનેકા વિશ્વની સૌથી મોટી ફાર્મા કંપની બની શકે છે, કારણ કે તે તેની હરીફ ફાર્માસ્યુટિકલ કંપની ગિલિયડ સાથે મર્જર કરવાનું વિચારી રહી છે. આ કેસ અંગે જાગૃત સૂત્રો પાસેથી આ માહિતી મળી છે. જો આવું થાય છે, તો તે હેલ્થકેર ક્ષેત્રમાં અત્યાર સુધીની સૌથી મોટી ડીલ હશે.
ભારતના સીરમ ઇન્સ્ટિટ્યૂટ સાથે કરાર
ભારતની સીરમ સંસ્થા વિશ્વની સૌથી મોટી રસી ઉત્પાદક છે. તે દર વર્ષે 1.5 અબજ રસી ડોઝનું ઉત્પાદન કરે છે, જેમાં પોલિયોથી માંડી ઓરી સુધીના રસીનો સમાવેશ થાય છે. ઑક્સફર્ડ યુનિવર્સિટી અને એસ્ટ્રાઝેનેકાએ તેમની COVID-19 રસી બનાવવા માટે આ ભારતીય કંપનીની પસંદગી કરી છે. પૂણે સ્થિત કંપનીએ અગાઉ કહ્યું હતું કે છેલ્લો ઓર્ડર મળતા પહેલા તે રસી બનાવવાનું કામ શરૂ કરી દેશે. જેથી તમામ મંજૂરી આપવામાં આવે ત્યાં સુધી રસી પૂરતી માત્રામાં તૈયાર થઈ શકે.