ઘટાડો / કોરોનાના કારણે રાજ્યમાં વીજ વપરાશ પર પણ જોવા મળી લોકડાઉનની અસર

• કોરોના વાયરસના કારણે સમગ્ર દેશમાં લોકડાઉન
• વીજ વપરાશ પર પણ જોવા મળી લોકડાઉનની અસર
• છેલ્લા 10 દિવસમાં વીજ વપરાશ 43 ટકા સુધી ઘટ્યો

જો કે રાજ્યમાં છેલ્લા 10 દિવસમાં વીજ વપરાશ 43 ટકા સુધી ઘટ્યો છે. જીસેક હેઠળના 32માંથી માત્ર 5 જ પ્લાન્ટ કાર્યરત છે. 16 હજાર 500 મેગાવોટની જરૂર સામે હાલ માત્ર 7 હજાર 120 મેગાવોટની જરૂર છે. ત્યારે શહેર અને રાજ્યના મોટા શહેરોમાં વીજળીનો યોગ્ય ઉપયોગ કરવામાં આવે તો હજુ પણ વીજળીની બચત થઇ શકે છે.

 

ત્યારે આ લોકડાઉન વચ્ચે રાત્રીના સમયે કેટલીક લાઇટો બંધ રાખીને વીજળીની બચત કરી શકાય છે. પરંતુ હાલ અમદાવાદમાં ઠેર ઠેર આમ દિવસોમાં ચાલુ હોય તેટલી જ લાઇટો ચાલુ છે.  જ્યારે બીજી તરફ લોકડાઉનના કારણે વીજળીની બચત થઇ છે. ઓફિસો, કારખાના અને કચેરીઓ બંધ થતાં વીજળીનો વપરાશ ઘટ્યો છે.

ઉલ્લેખનીય છે કે રાજ્ય સરકાર દ્વારા ગુજરાતના વીજ વપરાશકારોને રાહત આપતો મહત્વપૂર્ણ નિર્ણય કરવામાં આવ્યો હતો. રાજ્ય સરકાર દ્વારા વીજ બીલ ભરવાની તારીખ લંબાવવામાં આવી છે. રાજ્યમાં જેમને GEB એટલે કે ગુજરાત ઇલેકટ્રીક સિટી બોર્ડના વીજ બિલ ભરવાના થાય છે. તેમની માર્ચ અને એપ્રિલ મહિનાના બીલ ભરવાની મુદત તા. 15મી મે સુધી કરવામાં આવી છે.

 

તેમજ જો બીલ નિયમિત ન ભરાય તો પેનલ્ટી કે કનેકશન કાપી નાખવાની બાબત પણ મોકૂફ રાખવામાં આવી છે. આ ઉપરાંત વેપાર ઉદ્યોગો અને નાના દુકાનધારકો જેમને GEBના બીલ ભરવાના થાય છે તેમને એપ્રિલ મહિનાના બીલમાં ફીકસ ચાર્જ લેવામાં આવશે નહિ,માત્ર વપરાશનું બીલ જ તેમણે ભરવાનું રહેશે.