લોકડાઉનને કારણે ઘણાં લોકો પોતાના પરિવારજનોથી દૂર ફસાયા છે અને લાંબા સમયથી પોતાના ઘરે જઈ નથી શકી રહ્યાં. પરંતુ કોરોના સંકટમાં પણ એક એક્ટર કારમાં 668 કિમીનું અંતર કાપીને તેના ઘરે પહોંચ્યો છે. જી હાં, સીરિયલ 'નજર' ફેમ એક્ટર હર્ષ રાજપૂત લોકડાઉનમાં મુંબઈથી ગુજરાત પહોંચ્યો છે.
હાલ સમગ્ર દેશમાં લોકડાઉન છે
તો ટેલિવિઝન એક્ટર હર્ષ રાજપૂત બીમાર માને જોવા નવસારી પહોંચ્યો
બંને રાજ્યોની પરમિશન લઈને હર્ષ મા પાસે પહોંચ્યો
આમ તો હાલ લોકડાઉનમાં ક્યાં પણ જવું ખૂબ જ મુશ્કેલ છે. પરંતુ હર્ષએ તમામ લીગલ પરમિશન લઈને તેના હોમટાઉન નવસારી પહોંચ્યો છે. તેણે બંને રાજ્યોની પરમિશન લીધી હતી. હર્ષે આ અંગે વાત કરતા જણાવ્યું કે, તેની મોમની તબિયત ખરાબ છે જેથી ગમે તે કરીને તેને તેની મોમ પાસે પહોંચવું હતું. તેની મોમ ગુજરાત નવસારીમાં એકલી હતી. જેથી હર્ષને તેની મોમની ચિંતા સતાવી રહી હતી.
A post shared by Harsh Rajput (@rajputharshjayesh) on
હર્ષ કહે છે કે, મને ગમે તેમ મારી મોમ પાસે જવું હતું અને હું પરમિશન લઈને આવ્યો છે અને અહીં પહોંચતા જ મેં પોલીસને ઈન્ફોર્મ પણ કરી દીધું હતું અને ચેકઅપ પણ કરાવી લીધું છે. હવે મને ઘરમાં જ 14 દિવસ માટે ક્વોરંટાઈન કરી દેવામાં આવ્યો છે. પણ મને એ વાતની ખુશી છે કે હું મારી મોમની સાથે છું અને હવે તે એકલી નથી.
A post shared by Harsh Rajput (@rajputharshjayesh) on
હર્ષ મુંબઈમાં તેના પિતા અને ભાઈની સાથે રહે છે પણ તેની મોમ આ સંકટ સમયમાં એકલી પડી ગઈ હતી. જેથી તેણે ગુજરાત આવવાનો નિર્ણય લીધો. લોકડાઉનમાં ટ્રાવેલ કરવાનો અનુભવ શેર કરતા હર્ષે કહ્યું- મને એવું લાગી રહ્યું હતું કે હું ઝોમ્બી વર્લ્ડમાં આવી ગયો છું, ખાલી હાઈવે, કોઈ માણસો નહીં. પણ મેં ટ્રાવેલ દરમિયાન તમામ સાવધાનીઓ રાખી હતી અને કાર અને પોતાની જાતને પણ સેનિટાઈઝ કરી હતી.
A post shared by Harsh Rajput (@rajputharshjayesh) on
હર્ષે આગળ કહ્યું કે, મને 14 દિવસ માટે ક્વોરંટાઈન કરી દેવામાં આવ્યો છે અને મારો પણ હાલ મુંબઈ જવાનો કોઈ વિચાર નથી, કારણ કે ત્યાં પણ હાલ તમામ શૂટિંગ બંધ છે અને ક્યારે શરૂ થશે તે વિશે પણ કોઈ જ જાણકારી મળી રહી નથી. તમને જણાવી દઈએ કે, સ્ટાર પ્લસની સીરિયલ નજર-2માં હર્ષની એક્ટિંગના ખૂબ વખાણ કરવામાં આવ્યા છે. પણ હવે એવા સમાચાર છે કે, આ શો પણ બંધ થઈ ગયું છે. આ વાતથી હર્ષ દુખી છે.