ગુજરાતમાં કોરોના વાયરસનો કહેર યથાવત જોવા મળી રહ્યો છે. ત્યારે રાજ્યમાં કોરોનાને લઇને લોકડાઉન જાહેર કરવામાં આવ્યું છે. લોકડાઉન વચ્ચે રાજ્ય સરકાર દ્વારા માર્કેટિંગ યાર્ડમાં ખેડૂતો માટે શરતોને આધીન છુટછાટ આપવામાં આવી છે. ત્યારે મહીસાગરના લુણાવાડાના બાવાના અખાડા વિસ્તારમાં ખાતર માટે આવેલા ખેડૂતોમાં સોશિયલ ડિસ્ટન્સિંગનો અભાવ જોવા મળ્યો.
મહીસાગરના લુણાવાડામાં સોશિયલ ડિસ્ટન્સનો અભાવ
બાવાના અખાડા વિસ્તારમાં ન જળવાયું સોશિયલ ડિસ્ટન્સ
GNFCના ગોડાઉનમાં ખેડૂતોની લાગી લાંબી કતાર
પ્રાપ્ત મળતી વિગત અનુસાર મહીસાગરના લુણાવાડામાં ફરી એક વખત સોશિયલ ડિસ્ટન્સનો અભાવ જોવા મળ્યો છે. બાવાના અખાડા વિસ્તારમાં લોકો સોશિયલ ડિસ્ટન્સનું પાલન કરતાં નથી.
GNFCના ગોડાઉન પર સવારથી ખાતર માટે ખેડૂતોની લાંબી લાઈન લગાવી છે. સોશિયલ ડિસ્ટન્સિંગનું પાલન કરાવવામાં તંત્ર નિષ્ફળ સાબિત થયું છે.
મહત્વનું છે કે, લુણાવાડા તંત્ર દ્વારા સોશિયલ ડિસ્ટન્સનું પાલન કરાવવા માટે 6 વિજિલન્સ ટીમ બનાવાઈ છે. તેમ છતાં વિજિલન્સની ટીમ બનાવ્યા બાદ પણ સોશિયલ ડિસ્ટન્સનો અભાવ જોવા મળ્યો છે.