UNLOCK 3 / ગુજરાતમાં અનલોક-3ની ગાઈડલાઈન જાહેર, જાણો શું ખુલ્લું રહેશે શું બંધ?

• હોટલ રેસ્ટોરન્ટ 10 વાગ્યા સુધી ચાલુ રાખી શકાશે.
• 5 ઓગસ્ટથી જીમ અને યોગા સેન્ટર ખોલી શકાશે
• અન્ય બાબતોમાં કેન્દ્ર સરકારની ગાઇડલાઇનનું પાલન કરાશે

આજે ગાંધીનગરમાં મળેલી બેઠકમાં કેન્દ્રની અનલોક 3ની ગાઈડલાઈન બાદ ગુજરાતમાં પણ ગાઈડલાઈન જાહેર કરવામાં આવી હતી. 

શું ખુલ્લું રહેશે શું બંધ

• હોટલ રેસ્ટોરા રાતના 10 વાગ્યા સુધી ખુલ્લા રહેશે
• ગુજરાતમાં 1 ઓગસ્ટથી રાત્રી કફર્યૂમાંથી મુક્તિ
• દુકાનો રાત્રિના 8 વાગ્યા સુધી ખુલ્લી રહેશે
• SOP મુજબ જીમ અને યોગા સેન્ટર 5 ઓગસ્ટથી ખુલશે
• અન્ય બાબતોમાં કેન્દ્ર સરકારની ગાઇડલાઇનનું પાલન કરાશે

શું છે કેન્દ્રની ગાઈડલાઈન

દેશમાં વધી રહેલા કોરોનાના સંક્રમણની વચ્ચે કેન્દ્ર સરકારે અનલોક -3 માટેની માર્ગદર્શિકા જાહેર કરી છે. સરકારે જાહેર કરેલી ગાઈડ લાઈન મુજબ 1લી ઓગસ્ટથી દેશભરમાંથી નાઈટ કર્ફ્યુ હટાવી દેવામાં આવ્યો છે. અને 5 ઓગસ્ટથી સામાજિક અંતર અને નિયમો સાથે જીમ અને યોગા સેન્ટરને ખોલવાની મંજૂરી આપવામાં આવી છે. જ્યારે 31 ઓગસ્ટ સુધી સ્કૂલ – કોલેજ, મેટ્રો રેલ, સિનેમા હોલ, સ્વિમિંગ પૂલ, થિયેટર, બાર, ઓડિટોરિયમ, એસેમ્બલી હોલ પહેલાની જેમ બંધ રહેશે.. સાથે જ જાહેર કે ખાનગી કાર્યક્રમો નહીં યોજી શકાય અને ભીડ એકઠી કરવા પર પ્રતિબંધ રહેશે. સરકારે જાહેર કરેલી ગાઇડલાઇન મુજબ આગામી 1થી 31 ઑગસ્ટ દરમિયાન આ નિયમો લાગુ પડશે. જો કે ગાઇડલાઇન અનુસરીને લોકો 15મી ઑગસ્ટની ઉજવણી કરી શકશે. 31 ઓગસ્ટ,2020 સુધી કન્ટેઈનમેન્ટ ઝોનમાં લોકડાઉનનું ચુસ્તપણે પાલન જાળવી રાખવાનું રહેશે. ફક્ત અત્યંત આવશ્યક હોય તેવી જ પ્રવૃત્તિઓને પરવાનગી આપવામાં આવશે.