અમદાવાદના બોપલના પોલીસ ઈન્સપેક્ટર અનિલા બ્રહ્મભટ્ટને સસ્પેન્ડ કરવામાં આવ્યા છે. SP આર.વી.અંસારી દ્વારા PI સામે કાર્યવાહી કરવામાં આવી છે. લોકડાઉન દરમિયાન એક ખાનગી સોસાયટીમાં જઈને પોલીસ ઈન્સપેક્ટરે ગરબા રમ્યા હતા. PIએ પોલીસ યુનિફોર્મમાં ગરબા રમતા કાર્યવાહી કરવામાં આવી છે. ગીત વાગતા PIએ સોસાયટીના કોમન પ્લોટમાં અને સભ્યોએ પોતાના ઘરની બાલકનીમાં ગરબા રમ્યા હતા આ મામલે SP દ્વારા બોપલના PIને સસ્પેન્ડ કરવામાં આવ્યા છે.
બોપલ પીઆઇ અનિલા બ્રહ્મભટ્ટને કરાયાં સસ્પેન્ડ
યુનિફોર્મમાં ગરબા ગાતા કરાયા સસ્પેન્ડ
વીડિયો વાયરલ થતા કરાયા સસ્પેન્ડ
SP આર.વી અંસારીએ બોપલ PIને કર્યા સસ્પેન્ડ
રવિવારે મહિલા PI રમ્યા હતા ગરબા
મળતી માહિતી મુજબ અમદાવાદના બોપલ પોલીસ સ્ટેશનના PI અનિલા બ્રહ્મભટ્ટને સસ્પેન્ડ કરવામાં આવ્યા છે. PI અનિલા બ્રહ્મભટ્ટને ગ્રામ્ય SPએ સસ્પેન્ડ કરતા ખળભળાટ મચી ગયો હતો. રવિવારે રાત્રે બોપલ પોલીસ સ્ટેશનના પીઆઈ અનિલાબેન બ્રહ્મભટ્ટ તેમજ તેમની પોલીસ ટીમ ડીજેના તાલે ગરબા રમતો વીડિયો સોશિયલ મીડિયામાં વાયરલ થયો હતો. ત્યારબાદ મોટો હોબાળો સામે આવ્યો હતો.
ગુજરાતમાં હાલ 144ની કલમ લાગુ છે
રાજ્યમાં હાલ કોરોના વાયરસના કારણે લોકડાઉન ચાલી રહ્યું છે. જેનું ચુસ્તપાલન કરવા માટે શહેરમાં 144 કલમ લગાવવામાં આવી છે. આ કલમમાં 4થી વધુ લોકો ભેગા થઈ શકે તેમ નથી તેમ છતાં અમદાવાદના કેટલાંક વિસ્તારોની સોસાયટીઓમાં ડીજે જેવી પાર્ટીઓમાં લોકો ભેગા થાય છે. આવા સમયમાં લોકોને ભેગા ન થાય તેની ધ્યાન રાખવાના બદલે પોતાના જ બનાવેલા નિયમોનું સરેઆમ ઉલ્લંધન કરીને બોપલ પીઆઈ અનિલા બ્રહ્મભટ્ટ બોપલ પોલીસ સ્ટેશનના પીએસઆઈ તેમ જ 15 જેટલા પોલીસ કર્મચારીઓ ગરબે ઝૂમતા દેખાયાં હતાં.
બહારથી ગાયક કલાકાર બોલાવીને ગરબા રમ્યા હતા
આ ઘટનામાં જાણવા મળી રહ્યું છે કે, બોપલ વિસ્તારની એક સોસાયટીના લોકોને મનોરંજન મળી રહે તે માટે સોસાયટીની અંદર એક ગુજરાતી ગાયક કલાકારને બોલાવવામાં આવ્યા હતા. તે ગાયક કલાકાર સોસાયટીના ગાર્ડનમાં લાઉડ સ્પીકર પર ગરબા ગાઈ રહ્યાં હતાં જ્યારે પીઆઈ અનિલા બ્રહ્મભટ્ટ બોપલ પોલીસ સ્ટેશનના પીએસઆઈ, મહિલા પોલીસ તેમજ પોલીસ કર્મચારીઓ ટોળું વળીને ગરબા રમ્યાં હતાં.