આખી દુનિયા કોરોના મહામારી સામે લડી રહી છે અને સાથે જ કોરોનાના નવા સ્ટ્રેને મુશ્કેલીઓ વધારી છે ત્યારે ચીનથી ફરી એકવાર માઠા સમાચાર સામે આવી રહ્યા છે. અહીંથી જે ચોંકાવનારી વાત સામે આવી છે તે એ છે કે ઓટો પાર્ટ્સના કારોબાર કરનારી કંપનીના પેકેજિંગ સેમ્પલમાં તે કોરોના સંક્રમિત જાણવા મળ્યા છે. આ કારણે ફરી એકવાર ચીનની ઊંઘ ઉડી છે.
ફરીથી ઉડી ચીનની ઊંઘ
ઓટો પાર્ટ્સના કારોબારમાં જોવા મળ્યો કોરોના વાયરસ
પેકેજિંગ સેમ્પલમાં અનેક પેકેજ કોરોના સંક્રમિત હોવાનું જાણવા મળ્યું
ચીનમાં ઓટો પાર્ટ્સ કારોબાર કરનારી કંપનીના પેકેજિંગ સેમ્પલ લીધા બાદ અનેક પેકેજ કોરોના સંક્રમિત હોવાનું જાણવા મળ્યું છે. જેના કારણે લોકોની ઊંઘ ઊડી ચૂકી છે. ઓટો પાર્ટ પેકેજિંગ સેમ્પલ દેશના અલગ અલગ ભાગોમાંથી લેવાયા અને તેમાં કોરોના સંક્રમણની હાજરી હોવાનું જાણવા મળ્યું છે.
સંક્રમિત સામાનને એકાંત જગ્યા પર સીલ કરી દેવાયો
ચીનમાં કોરોનાની રોકથામ અને નિયંત્રણ કાર્યાલયના અનુસાર શનિવારે ઉત્તર ચીનના શાંક્સી પ્રાંતના જિનચેંગ શહેરમાં રોગ નિયંત્રણ અને રોકથામના સ્થાનિક કેન્દ્રને ઓટો ટાયર પેકેજિંગ પર વાયરસ હોવાનું જાણવા મળ્યું છે. આ સાથે જ ઈમરજન્સી ટ્રીટેમેન્ટ શરૂ કરાઈ છે અને સાથે જ સામાનના સંપર્કમાં આવનારા કર્મચારીઓને અલગ કરી દેવાયા છે. આ કર્મચારીઓને છોડીને અન્ય લોકોના રિપોર્ટ નેગેટિવ આવ્યા છે. સંક્રમિત સામાનને એકાંત જગ્યા પર સીલ કરી દેવાયો છે.
આ 3 પ્રાંતમાં મળ્યા કોરોના પોઝિટિવ પેકેજિંગ સેમ્પલ
સ્થાનિક અધિકારીઓના અનુસાર ઓટો પાર્ટ પેકેજિંગથી લેવાયેલા 3 અન્ય પોઝિટિવ સેમ્પલ હેબેઈ પ્રાંતના કંગઝૂ શહેરમાં, શેડોંગ પ્રાંતના યાંતાઈ અને લીનીમાંથી મળ્યા છે.
ઓટો પાર્ટ્સના વેચાણમાં જોડાયેલા બીજિંગની કંપનીના એક કર્મચારીને કોરોનાથી મુક્તિ મળ્યા બાદ ચીનના અન્ય શહેરોમાં સંબંધિત ઓટો પાર્ટ્સ અને કર્મીઓ પર ન્યૂક્લિક એસિડ ટેસ્ટ કરાયા. આ સાથે કેટલાક ઓટો પાર્ટ્સ પેકેજમાં ડિસેમ્બરના અંતમાં વાયરસ હોવાની પુષ્ટિ કરાઈ છે.
China reports the first case of the new corona virus strain: Reuters
ચીનમાં પણ આવી ચૂક્યો છે કોરોનાના નવા સ્ટ્રેનનો કેસ
ચીનમાંથી કોરોનાને લઇને ફરી ચિંતાજનક સમાચાર આવી રહ્યાં છે. ચીનમાં કોરોનાના નવા સ્ટ્રેનનો પ્રથમ કેસ નોંધાયો છે. શાંઘાઇની એક 23 વર્ષીય યુવતીમાં નવા સ્ટ્રેનના લક્ષણ જોવા મળ્યાં છે. યુવતી 14 ડિસેમ્બરે બ્રિટેનથી ચીન પરત ફરી હતી. ઉલ્લેખનીય છે કે કોરોના વાયરસનો નવો સ્ટ્રેન બ્રિટનમાંથી સૌથી પહેલા સામે આવ્યો હતો, ત્યાર બાદ આ સ્ટ્રેન દુનિયાના અન્ય દેશમાં ફેલાયો છે.