મહામારી / ચીને વુહાનમાં છેલ્લાં 10 દિવસમાં એટલા ટેસ્ટ કરી નાંખ્યા કે કલ્પના પણ નહીં કરી શકો

• કોરોનાના જન્મસ્થળ વુહાનમાં કોરોના ફરીથી વકર્યો
• વુહાનમાં કોરોનાએ ફરી માથું ઉંચકતા ચીન સરકાર હરકતમાં
• ચીનમાં 14 મેથી 23મેની વચ્ચે 60 લાખથી વધુ ટેસ્ટ કરવામાં આવ્યા

ઉલ્લેખનીય છે કે, રાષ્ટ્રીય  સ્વાસ્થ્ય આયોગ (NHC)એ કહ્યું કે, રવિવારે દેશમાં બહારથી આવેલા 11 નવા કેસ સામે આવ્યા છે. આ દરમિયાન સ્થાનિક સંક્રમણનો કોઇ મામલો નથી. આ 11માંથી 10 કેસ આંતરિક મંગોલિયા સ્વાયત્ત ક્ષેત્ર અને એક મામલો સિયુઆનમાં નોંધાયો છે. સમાચાર એજન્સી પીટીઆઇના જણાવ્યા પ્રમાણે લક્ષણ વગરના 40 કેસમાંથી 38 વુહાનમાંથી સામે આવ્યા છે. 

ન્યુક્લિક એસિડ્સ ટેસ્ટિંગમાં વધારો કરવાનો નિર્ણય

ઉલ્લેખનીય છે કે, પ્રાંતની રાજધાની વુહાનમાં 14 મેના રોજ ન્યુક્લિક એસિડ્સ ટેસ્ટિંગમાં વધારો કરવાનો નિર્ણય લેવામાં આવ્યો છે, જેથી તે લોકોના વિશે પણ ખબર પડે જેને કોરોના વાયરસનો ચેપ લાગ્યો હોવા છતાં પણ તેમનામાં લક્ષણ જોવા મળતા નથી. 

14થી 23 મે વચ્ચે 60 લાખથી વધુ ન્યુક્લિક એસિડ્સ એસિડ ટેસ્ટ કરવામાં આવ્યા 

સમાચાર એજન્સી IANSના જણાવ્યા પ્રમાણે વુહાન નગરપાલિકા સ્વાસ્થ્ય આયોગ દ્વારા જાહેર કરવામાં આવેલ તાજેતરના આંકડા અનુસાર, શહેરમાં 14થી 23 મે વચ્ચે 60 લાખથી વધુ ન્યુક્લિક એસિડ્સ એસિડ ટેસ્ટ કરવામાં આવ્યા. શનિવારે જ એકલા 11 લાખ 50 હજાર ટેસ્ટ કરવામાં આવ્યા 

હુબેઈમાં અત્યાર સુધીમાં કોરોના વાયરસના 68,135 નવા મામલા સામે આવ્યા 

આપને જણાવી દઈએ કે હુબેઈમાં અત્યાર સુધી કોરોના વાયરસના 68,135 કેસ નોંધાયા છે. તેમાંથી 50,340 કેસ એકલા વુહાનમાં નોંધાયા છે. નોંધપાત્ર વાત એ છે કે ગયા વર્ષે ડિસેમ્બરમાં વુહાનમાં જ કોરોના ઇન્ફેક્શનનો પ્રથમ કેસ નોંધાયો હતો. ત્યારથી, વાયરસ ફેલાયેલો છે. ચીનમાં અત્યાર સુધીમાં 82,000 થી વધુ કેસ નોંધાયા છે અને 4600 થી વધુ લોકોનાં મોત નીપજ્યાં છે. વિશ્વભરમાં લગભગ 54 લાખ કેસ નોંધાયા છે અને ત્રણ લાખથી વધુ લોકોનાં મોત નીપજ્યાં છે.