બેદરકારી / મહાનગરપાલિકાની ચૂંટણી પતી હવે કોરોનાની પસ્તાળ, અમદાવાદમાં ચિંતાજનક રીતે આંકડામાં વધારો

• અમદાવાદમાં વધ્યા કોરોનાના કેસ
• એક દિવસમાં 81 નવા કેસ નોંધાયા
• એક દિવસમાં 3 માઈક્રો કન્ટેઈન્મેન્ટ સ્થળ ઉમેરાયા

સ્થાનિક સ્વરાજ્યની ચૂંટણીમાં મહાનગરપાલિકાઓની ચૂંટણી પૂરી થઈ છે અને હવે તાલુકા અને જિલ્લા પંચાયતની ચૂંટણી હજુ બાકી છે ત્યારે ચૂંટણી સભા ઓ અને સરઘસોએ કોરોનાને વકરાવવામાં મોટો ભાગ ભજવ્યો છે. ચિંતાજનક રીતે કોરનાના કેસ અમદાવાદમાં વધી રહ્યા છે. માંડ માંડ કોરોના પર કાબૂ મેળવવામાં તંત્રને સફળતા મળી હતી પરંતુ ફરીથી આપવામાં આવેલી ઢીલ ઘાતક બની શકે છે. 

અમદાવાદ શહેરમાં ચૂંટણી બાદ કોરોના સંક્રમણ વધ્યુ છે. અમદાવાદમાં ફરી કોરોનાનો પગ પેસારો થયો છે. શહેરમાં માઈક્રો કન્ટેનમેન્ટ ઝોન વધી રહ્યા છે. શહેરમાં માઇક્રો કન્ટેનમેન્ટ ઝોન ચોંકાવનારા આંકડા સામે આવ્યા છે. અત્યાર સુધીમાં અમદાવાદમાં 152 ઘર માઇક્રો કન્ટેઈનમેન્ટ બન્યા છે. 

અમદાવાદના પૂર્વ અને પોશ વિસ્તારમાં કોરોનાના કેસ વધ્યા છે. બોડકદેવના શુભમ સ્કાયને  માઇક્રો કન્ટેઈનમેન્ટમાં ઝોનમાં મુકાયુ છે જ્યારે ગોતા, સાયન્સ સીટીના વિસ્તારને મુકાયા માઇક્રો કન્ટેઈનમેન્ટ ઝોનમાં મુકાયા છે. 

કોણ જવાબદાર?

• ચૂંટણી સભાઓ
• ચૂંટણી પ્રચારના સરઘસો
• વિજય સરઘસો
• પ્રજા માટે કાયદા નેતાઓ માટે?
• લગ્ન પ્રસંગ, મરણ પ્રસંગ પર રોક, ચૂંટણી પ્રચાર પર?