કોરોના સંકટ / BIG BREAKING: ગુજરાતમાં કોરોના બેફામ, આજે સીધા 17 હજાર કેસને પાર, મોતનો આંકડો પણ ચોંકાવનારો

• રાજ્યમાં છેલ્લા 24 કલાકમાં 17,119 નવા કોરોનાના કેસ નોંધાયા
• આજે 7886 સાજા થયા, 10 દર્દીના મોત થયા, 79600 હાલ એક્ટિવ કેસ
• અમદાવાદમાં 5998, વડોદરામાં 1539, રાજકોટમાં 1336

ગુજરાતમાં કોરોના ફરી વખત વિકરાળ સ્વરૂપ ધારણ કરી રહ્યો છે. તેમાં પણ મહાનગરોમાં સૌથી વધું સંક્રમણ ફેલાતું નજરે પડી રહ્યું છે. દરરોજના આંકડામાં અમદાવાદ કોરોનાનું હોટસ્પોટ જણાઇ રહ્યું છે. ત્યારે રાજ્યમાં છેલ્લા 24 કલાકમાં નોંધાયેલા કોરોનાના કેસના આંકડાએ આખા ગુજરાતને ચોંકાવી દીધું છે. આજે રાજ્યમાં 17119 નવા કોરોનાના કેસ નોંધાયા છે. જ્યારે 7883 દર્દીઓ સાજા થયા છે. આજે 10 દર્દીના મોત થયા છે અને હાલ 79600 એક્ટિવ કેસ છે. જેમાં 113 દર્દી વેન્ટિલેટર પર છે અને અન્ય 79487 દર્દી સ્ટેબલ છે. રાજ્યનો રિકવરી રેટ હવે સતત ઘટી રહ્યો છે, આજે 90.61 ટકા જેટલો છે.

ગુજરાતમાં કોરોનાએ આજે તમામ રેકોર્ડ તોડ્યા

ગુજરાતમાં કોરોનાના પ્રથમ વખત 17000ને પાર કેસ નોંધાયા છે. કોરોનાની બીજી લહેરમાં 15 હજારથી પણ ઓછા કોરોનાના કેસ નોંધાઇ ચૂક્યા છે. 30 એપ્રિલ 2021ના રોજ 14,605 કોરોનાના કેસ નોંધાયા હતા. ત્યારે આજે કોરોનાનો ગ્રાફ એક ઝાટકે મહારાષ્ટ્રમાં નોંધાઇ રહેલા કોરોનાના કેસની લગોલગ પહોંચી ચૂક્યો છે. તો કોરોનાની પહેલી લહેરમાં 2000થી પણ ઓછા કોરોનાના કેસ નોંધાતા હતા.

મહાનગરોમાં કોરોનાના ચોંકાવનારા કેસ

અમદાવાદ, સુરત, વડોદરા, રાજકોટ, જૂનાગઢ, ભાવનગર અને જામનગર શહેરમાં કોરોનાએ પીક પકડી છે. ત્યારે આજે ફરી વખત શહેરીજનોને ચિંતામાં મૂકી દે તેવા કોરોનાના કેસ નોંધાયા છે. અમદાવાદમાં 5998, સુરતમાં 3563, વડોદરામાં 1539, રાજકોટમાં 1336, ગાંધીનગરમાં 409, ભાવનગરમાં 399, જામનગરમાં 252, જૂનાગઢમાં 116 કોરોનાના કેસ નોંધાયા છે. 

સુરત ગ્રામ્યમાં 423, મોરબીમાં 318, વલસાડમાં 310, મહેસાણામાં 240, નવસારીમાં 211, ભરૂચમાં 206, કચ્છમાં 175, બનાસકાંઠામાં 163, વડોદરા ગ્રામ્યમાં 131, રાજકોટ ગ્રામ્યમાં 125, પાટણમાં 119, ભાવનગર ગ્રામ્યમાં 102, જામનગર ગ્રામ્યમાં 102, ખેડામાં 85, અમદાવાદ ગ્રામ્યમાં 80, સુરેન્દ્રનગરમાં 78, અમરેલીમાં 76, ગાંધીનગર ગ્રામ્યમાં 74, આણંદમાં 65, દાહોદમાં 62, સાબરકાંઠામાં 51, નર્મદામાં 48, પંચમહાલમાં 45, ગીર સોમનાથમાં 42, મહીસાગરમાં 39, દેવભૂમિ દ્વારકામાં 34, પોરબંદરમાં 30, તાપીમાં 30, જૂનાગઢમાં 15, બોટાદમાં 12, અરવલ્લીમાં 10, છોટા ઉદેપુરમાં 3 અને ડાંગમાં 3 કોરોનાના કેસ નોંધાયા છે.

આજે ક્યાં કેટલા મોત?

રાજ્યમાં આજે કોરોનાથી 10 દર્દીઓના સારવાર દરમિયાન મોત થયા છે. જેમાં અમદાવાદ શહેરમાં 3, સુરત શહેરમાં 2, સુરત ગ્રામ્યમાં 3, ભાવનગર શહેરમાં 1 અને વલસાડમાં 1 દર્દીનું મોત થયું છે.

રાજ્યમાં આજે 3,17,089 લોકોનું રસીકરણ થયું છે, અત્યાર સુધીમાં રસીકરણનો આંકડો 9,53,500 પર પહોંચ્યો છે.

ગઇકાલે નોંધાયેલા કેસ

ગઇકાલે 24 કલાકમાં  12753  કેસ કોરોના પોઝિટિવ નોંધાયા હતા. જેમાં સૌથી વધુ અમદાવાદમાં  4340 કેસ, સુરતમાં  2955 કેસ, રાજકોટમાં 461 કેસ, વડોદરામાં 1207 કેસ, ગાંધીનગરમાં 212 કેસ અને ભાવનગરમાં 202 કેસ નોંધાયા હતા. તો 5 લોકોના મોત થયા હતા અને 5984 દર્દીઓ સાજા થયા હતા. આ સાથે રાજ્યમાં કુલ એક્ટિવ કેસ 70,374 સુધી પહોંચ્યા છે.

ગુજરાતના 4 મહાનગરોમાં છેલ્લા કેટલાક દિવસોમાં નોંધાઇ રહેલા કોરોનાના કેસની વિગત