વાહ / લોકડાઉનના સમયમાં ફરજ બજાવવા આ પોલીસકર્મીએ જે કર્યુ તેને સલામ, જાણીને વિશ્વાસ નહીં થાય

• લોકડાઉનમાં ફરજ બજાવવા માટે યુવાન 450 કિલોમીટર ચાલ્યો
• પોલીસ અધિકારીએ કર્યા વખાણ

કોન્સ્ટેબલ દિગ્વિજય શર્મા (22) એ સોમવારે કહ્યું કે, 'હું ઇટાવામાં મારા સ્નાતકની પરીક્ષા આપવા માટે 16 માર્ચથી 23 માર્ચ સુધી રજા પર હતો, જે બંધ થવાના કારણે મુલતવી થઈ રહી', તેમણે વધુમાં કહ્યું, 'હું પોલીસ સ્ટેશન પચૌરના પ્રભારી અધિકારી અને નિરીક્ષકે ફોન પર સંપર્ક સાધ્યો હતો અને કહ્યું હતું કે મુશ્કેલીના આ સમયમાં હું મારી ફરજમાં જોડાવા માંગુ છું. તેમણે મને પરિવહન સુવિધાના અભાવે ઘરે રોકાવાની સલાહ આપી. મારા પરિવારે તે જ સલાહ આપી હતી પણ હું મારી જાતને રોકી શક્યો નહીં.

20 કલાક ચાલ્યો યુવાન 

વધુમાં તેણે કહ્યું કે, મેં 25 માર્ચે સવારે ઇટવાથી રાજગઢ સુધીની સફર શરૂ કરી હતી. આ દરમિયાન હું લગભગ 20 કલાક ચાલ્યો હતો જેમાં મોટરસાયકલ પર સવાર લોકો પાસેથી મેં લિફ્ટ પણ લીધી હતી અને 28 માર્ચે રાત્રે રાજગઢ પહોંચ્યો હતો.

એક દિવસ ભૂખ્યા પેટે જ ચાલુ રાખી પદયાત્રા

તેમણે કહ્યું કે, મેં મારા અધિકારી પાસે મારી હાજરી નોંધાવી. સમગ્ર પ્રવાસ વિશેના અનુભવ જણાવતા દિગ્વિજય શર્માએ કહ્યું કે, આ સફર દરમિયાન કેટલાક સામાજિક સંગઠનોએ મને જમાડ્યો હતો અને એક દિવસ એવો પણ હતો કે મને કંઈ ખાવાનું મળ્યું નહીં.

હું ઝડપી મારી ફરજમાં જોડાઇશ

1 જૂન, 2018 ના રોજ મધ્ય પ્રદેશ પોલીસમાં ભરતી થયેલા શર્માએ કહ્યું, 'મારા બોસે મને ઘરે આરામ કરવાનું કહ્યું કારણ કે મારા પગમાં સોજો આવી ગયો છે.' જો કે આ કોન્સ્ટેબલે કહ્યું કે, હું ઝડ઼પથી મારી ફરજમાં જોડાઈશ.

પોલીસ અધિકારીએ કરી પ્રશંસા 

રાજગઢ જિલ્લાના પોલીસ અધિક્ષક, પ્રદીપ શર્માએ જણાવ્યું હતું કે, 'કોન્સ્ટેબલ દિગ્વિજય શર્માને મુશ્કેલી સમયે કામ કરવાની તેમની પ્રતિબદ્ધતા અને સમર્પણ બદલ પ્રશંસા પત્ર આપવામાં આવ્યું છે.' તેમણે વધુમાં કહ્યું કે, 'હું મધ્યપ્રદેશના પોલીસ મહાનિર્દેશકને પણ પત્ર લખી રહ્યો છું અને આ કોન્સ્ટેબલને પ્રશંસા પત્ર અપાવવા માંગું છું.'