લોકસભા ચૂંટણીમાં કોંગ્રેસ અધ્યક્ષ રાહુલ ગાંધીના પરંપરાગત સીટ અમેઠીમાં મળેલી હારની પાર્ટી સમીક્ષા કરી રહી છે. UPA અધ્યક્ષ સોનિયા ગાંધી અને કોંગ્રેસ મહાસચિવ પ્રિયંકા ગાંધીના નજીકના વ્યકિતને જવાબદારી સોંપવામાં આવી છે.
અમેઠીમાં 3 વખત સાંસદ રહેલા રાહુલને આ વખતે કેન્દ્રીય મંત્રી સ્મૃતિ ઇરાનીના વિરુદ્ઘ હારનો સામનો કરવો પડે છે. ઉત્તરપ્રદેશ કોંગ્રેસના સભ્ય રાજીવ સિંહે જણાવ્યું કે, સોનિયા ગાંધીના પ્રતિનિધિ કિશોરી લાલ શર્મા અને પ્રિયંકા ગાંધીનું રાજકીય કામકાજ સંભાળનાર ઝુબૈર ખાન છેલ્લા ત્રણ દિવસથી અમેઠીમાં છે અને હારના કારણોની ચર્ચા કરી રહ્યા છે. સિંહે જણાવ્યું કે, રુટ લેવલથી એટલે કે ગામડાઓમાં જઈને હારના કારણો જાણવાનો પ્રયત્ન કરવામાં આવી રહ્યો છે. કમિટીના સભ્ય પંચાયત અને બ્લોક પ્રમુખ સાથે બેસીને ચર્ચા કરી રહ્યા છે.
2014માં પણ રાહુલને મળી હતી મોટી ટક્કર:
સ્મૃતિ ઈરાનીએ આ વખેત રાહુલ ગાંધીને 55,120 મતથી હરાવ્યા છે. ત્યારપછી અહીં કોંગ્રેસ અધ્યક્ષે હારની જવાબદારી સ્વીકારીને રાજીનામું આપી દીધું છે. 2014માં રાહુલ ગાંધી આ સીટ પરથી સતત ત્રણ વખત સાંસદ ચૂંટાયા હતા. ત્યારે ભાજપે રાજ્યસભા સાંસદ સ્મૃતિ ઈરાનીને અહીંથી મેદાનમાં ઉતાર્યા હતા. ત્યારે સ્મૃતિ ઈરાનીએ 3 લાખથી વધારે મત મેળવીને રાહુલ ગાંધીને ટક્કર આપી હતી.
અમેઠી ગાંધી પરિવારની પારંપરિક સીટ:
અમેઠીથી 1977માં પહેલીવાર સંજય ગાંધીએ અહીંથી ચૂંટણી લડી હતી પરંતુ તેઓ હારી ગયા હતા. ત્યારપછી 1980માં સંજય ગાંધી અહીંથી સાંસદ ચૂંટાયા હતા. તેમના નિધન પછી અમેઠી સીટ પર થયેલી પેટાચૂંટણીમાં રાજીવ ગાંધીને જીત મળી છે. રાજીવ 1981થી લઈને 1991 સુધી અહીં સાંસદ રહ્યા હતા. તેમના નિધન પછી કોંગ્રેસના સતીશ શર્મા અહીંથી 1991થી લઈને 1998 સુધી સાંસદ રહ્યા હતા. 1998માં ભાજપના સંજય સિંહે સતીશ શર્માને ચૂંટણીમાં અહીંથી ઉભા રાખ્યા હતા. પરંતુ 1999માં રાજીવ ગાંધીની પત્ની સોનિયા ગાંધીએ તેમને હરાવ્યા હતા. 1999-2004 સુધી અમેઠીમાં તેઓ સાંસદ હતા. ત્યારપછી 2004થી 2014 સુધીમાં ત્રણ વખત કોંગ્રેસ અધ્યક્ષ રાહુલ ગાંધી અમેઠીથી સાંસદ બન્યા હતા.
16 વાર કોંગ્રેસે જીતી આ સીટ:
અમેઠી સંસદીય સીટ પર અત્યાર સુધી 17 લોકસભા ચૂંટણી અને 2 પેટાચૂંટણી થઈ છે. તેમાં કોંગ્રેસને 16 વાર જીત મળી છે. જ્યારે 1977માં લોકદળ અને 1998માં અને 2019માં ભાજપને જીત મળી છે.