ગુજરાત વિધાનસભા ચૂંટણી 2022 પહેલા કોંગ્રસ એક્શન મોડમાં આવી ચૂકી છે. થોડા દિવસ અગાઉ જ ગુજરાત કોંગ્રેસના નેતાઓ દિલ્હી હાઈકમાન્ડની મુલાકાત લીધી હતી.
ગુજરાતમાં જીત માટે કોંગ્રેસ દ્વારા કરાયો વિચાર વિમર્શ
હાઈકમાન્ડ દ્વારા ગુજરાત કોંગ્રેસને ખુલ્લો દોર અપાયો
ગુજરાત કોંગ્રેસના નેતૃત્વની દિલ્હી હાઈકમાન્ડ સાથે યોજાઈ હતી બેઠક
આગામી વિધાનસભાની ચૂંટણીને લઈ ગુજરાત કોંગ્રેસના નેતાઓને દિલ્હીથી હાઇકમાન્ડનું તેડું આવતા અડધો ડઝનથી વધુ કોંગ્રેસના નેતાઓ દિલ્હી પહોંચ્યા હતા. કોંગ્રેસ ટાસ્ક ફોર્સે ચૂંટણીની તૈયારી માટે દિલ્હીમાં સોમવારે બેઠક કરી હતી. જે 5 કલાક ચાલી હતી. ગુજરાત કોંગ્રેસના અને કેન્દ્રીય નેતાઓ વચ્ચે વિચારવિમર્શ થયો હતો.
ટાસ્ક ફોર્સની બેઠકમાં ગુજરાત કોંગ્રેસ પ્રદેશ પ્રભારી રઘુ શર્મા, ગુજરાત કોંગ્રેસ પ્રદેશ પ્રમુખ જગદીશ ઠાકોર, વિપક્ષ નેતા સુખરામ રાઠવા, અમિત ચાવડા, પરેશ ધાનાણી, દિપક બાબરીયા સહિતના નેતાઓ દિલ્હી ગયા હતા. કોંગ્રેસ નેતા પ્રિયંકા ગાંધી વાડ્રા, કે.સી. વેણુગોપાલ, રણદીપ સુરજેવાલા, અજય માકણ, પૂર્વ નાણામંત્રી પી.ચિદંબરમ અને કોંગ્રેસના ચૂંટણી રણનીતિકાર સુનિલ કાનૂનગોલૂ હાજર હતા. તો પ્રભારી રઘુ શર્મા ગુજરાત કોંગ્રેસના આયોજનો અંગે પ્રેઝન્ટેશન રજૂ કર્યું હતું અને ચૂંટણીલક્ષી તૈયારીઓની સમીક્ષા કરાઈ હતી.
જેમાં ગુજરાતના નેતાઓને રાજ્યમાં છેલ્લા 27 વર્ષોથી શાસન કરી રહેલી ભાજપને સત્તાથી હટાવવા માટે વિધાનસભા ચૂંટણી માટે એકજૂટ થવાની તૈયારી કરવા કહેવામાં આવ્યું. રણનીતિના ભાગરૂપે, પાર્ટી મુખ્યરીતે કોવિડ મહામારી દરમિયાન રાજ્ય સરકારની નિષ્ફળતાઓને ઉજાગર કરશે.
હાઈકમાન્ડ દ્વારા ગુજરાત કોંગ્રેસને ખુલ્લો દોર અપાયો
સૂત્ર દ્વારા મળતી માહિતી અનુસાર, દિલ્હીમાં યોજાયેલી બેઠકમાં હાઈકમાન્ડ દ્વારા ગુજરાત કોંગ્રેસને ખુલ્લો દોર અપાયો છે. વિધાનસભાની ચૂંટણીમાં પ્રદેશ કોંગ્રેસને નિર્ણય લેવા સ્વતંત્રતા આપવામાં આવી છે. કોઇપણ ભોગે 2022ની ચૂંટણીમાં પરિણામ લાવવા સૂચના અપાઈ છે. હરીફ પક્ષોનાં નામ લીધા વગર પ્રચાર કરવા સૂચના અપાઈ છે. રાજ્ય વિસ્તારમાં ખાલી પડેલાં વિવિધ પદો પર નિયુક્તિ કરવા સૂચના અપાઈ છે. કેન્દ્રીય કોંગ્રેસ નેતૃત્વએ પોતાની ગુજરાત યુનિટથી પ્રધાનમંત્રી નરેન્દ્ર મોદી પર વ્યક્તિગત હુમલો કરતા સંયમ રાખવા કહ્યું છે.
ગુજરાતમાં જીત માટે અમે કહીએ એમ કરોઃ ગુજરાત કોંગ્રેસ નેતા
બેઠકમાં ગુજરાત કોંગ્રેસના નેતાઓએ હાઈકમાન્ડને સૂચન કર્યું હતું કે ગુજરાતમાં જો જીત મેળવવી હશે તો અમે જે ઇચ્છીએ છીએ તે મુજબ ચાલશો તો સત્તા મળવાની તક વધી જશે.
કોઇપણ ભોગે 2022ની ચૂંટણીમાં પરિણામ લાવોઃ કોંગ્રેસ હાઈકમાન્ડ
તો હાઈકમાન્ડે સૂચનો સાંભળ્યા બાદ નિર્દેશ કર્યો કે વર્ષ 2017ની વિધાનસભા ચૂંટણીમાં રહેલી તમામ ત્રુટિઓને દૂર કરો. આ ઉપરાંત પ્રદેશ નેતૃત્વને તો એટલે સુધી કહી દેવાયું છે કે જે રણનીતિ ઘડવી હોય એમ ઘડો, પરંતુ અમારે તો પરિણામ જોઈએ છે. કોઇપણ ભોગે 2022ની ચૂંટણીમાં પરિણામ લાવવા સૂચના અપાઈ છે.
કોંગ્રેસ મુખ્યમંત્રી પદનો ચહેરો નહીં કરે જાહેરઃ સૂત્ર
ગુજરાત વિધાનસભા ચૂંટણીને લઇ કોંગ્રેસે નિર્ણય કર્યો છે કે, ગુજરાતમાં કોંગ્રેસ સામુહિક નેતૃત્વમાં ચૂંટણી લડશે. સૂત્રો દ્વારા મળતી માહિતી અનુસાર, કોંગ્રેસ મુખ્યમંત્રી પદનો ચહેરો નહીં કરે જાહેર. ગુજરાતમાં કોંગ્રેસ CM પદનો ચહેરો જાહેર નહીં કરે. દિલ્હીમાં મળેલી કોંગ્રેસની બેઠકમાં નિર્ણય કરાયો છે. ગુજરાત અને હિમાચલમાં CM પદનો ચહેરો જાહેર નહીં કરાય. પવન ખેરા ગુજરાત કોંગ્રેસ મીડિયા વિભાગનું કામ સંભાળશે. ચૂંટણી સુધી પવન ખેરાને ગુજરાત મીડિયા વિભાગની જવાબદારી.
26 સંસદીય વિસ્તારોમાં 37 નેતાઓને જવાબદારી
કોંગ્રેસે 26 સંસદીય વિસ્તારોમાં સુપરવાઇઝરોની નિમણૂંક કરી દીધી છે. અલગ અલગ રાજ્યોના ધારાસભ્યો સહિત કુલ 37 નેતાઓને પાર્ટીના કામ માટે તૈયાર કરાયા છે. નેતા વધુ પડતા રાજસ્થાન, મહારાષ્ટ્ર અને મધ્યપ્રદેશથી છે.
गुजरात विधानसभा चुनाव के लिए संसदीय निर्वाचन क्षेत्रवार AICC पर्यवेक्षक नियुक्त होने पर सभी साथी मित्रों को हार्दिक बधाई एवं हार्दिक शुभकामनाएँ। pic.twitter.com/qRjkTtcjWi