રાજ્યમાં ઠંડીને લઇને મોટા સમાચાર સામે આવી રહ્યાં છે. હવામાન વિભાગના નિષ્ણાંતના જણાવ્યા અનુસાર અગામી 23 થી 28 જાન્યુઆરી સુધી ગુજરાતમાં ઠંડીનું જોર વધશે
રાજ્યમાં 6 દિવસ ઠંડીનું જોર વધવાની શક્યતા
અમદાવાદનું તાપમાન 7 ડિગ્રી થવાની શક્યતા
અમદાવાદમાં આકરી ઠંડી પડવાની શક્યતા
રાજ્યમાં ઠંડીને લઇને મોટા સમાચાર
રાજ્યમાં ઠંડીને લઈને હવામાન વિભાગના નિષ્ણાંત અંકિત પટેલે જણાવ્યું હતું કે, ઉત્તર પુર્વીય રાજ્યોમાં તેમજ વેર્સ્ટન ડિસ્ટર્બન્સની અસર સર્જાતા આગામી 23 થી 28મી જાન્યુઆરી સમગ્ર રાજ્યમાં ઠંડીનું જોર વધશે. જેને પગલે સમગ્ર રાજ્યમાં ઠંડીનો પારો 10 ડિગ્રીથી નીચો રહેવાની સંભાવના વ્યક્ત કરવામાં આવી છે. આ સાથે અમદાવાદમાં 10 વર્ષ બાદ લધુત્તમ તાપમાનનો પારો 7 ડિગ્રીથી નીચો જાય તેવા એંધાણ છે.
ઉત્તર ભારતમાં હિમવર્ષાથી ગુજરાતમાં ઠંડીનું જોર વધશે.
23મી જાન્યુઆરી થી 28મી જાન્યુઆરી સુધી રાજ્યના અલગ અલગ વિસ્તારોમાં હાડ થીજાવતી ઠંડી પડશે, જેમાં અમદાવાદ સહિત સમગ્ર ગુજરાતના અલગ અલગ વિસ્તારોમાં કાતિલ પવનો ફૂંકાઈને ઠંડીનો અહેસાસ થશે. સમગ્ર રાજ્યમાં લઘુત્તમ તાપમાન 10 ડિગ્રી ઘટવાની સંભાવના વ્યક્ત કરવામાં આવી છે. જ્યારે અમદાવાદ, ગાંધીનગરમાં પણ 7 ડિગ્રી તાપમાનની શક્યતા બતાવવામાં આવી છે. આમ આગામી દિવસોમાં ગુજરાતમાં રેકર્ડ બ્રેક ઠંડી પડવાની હવામાન વિભાગે આગાહી કરી દીધી છે.
બીજી તરફ વેર્સ્ટન ડિસ્ટર્બન્સના કારણે દરિયામાં કરંટ જોવા મળ્યો
અમદાવાદ સહિત સમગ્ર રાજ્યમાં આગામી 6 દિવસો સુધી કડકડતી ઠંડીની વકી કરવામાં આવી છે. જેની વચ્ચે દ્વારકાના દરિયા કિનારાના વિસ્તારોમાં ઝડપી પવન ફૂંકાતા દરિયામાં કરંટ જોવા મળી રહ્યો છે.આમ દરમિયામાં તેજ પવન સાથે કરંટને કારણે દરિયા કિનારાઓ પર 8થી 10 ફુટ ઉંચા મોજા ઉછળતાં જોવા મળ્યાં છે.