ગુજરાતમાં ઠંડીનું જોર વધ્યુ છે. રાજ્યભરમાં આજે તાપમાનનો પારો ગગડ્યો છે. હજુ આવનારા દિવસોમાં તાપમાનનો પારો ગગડવાનો છે ત્યારે સ્વેટર અને ગરમ કપડાં હાથ વગાં રાખજો કારણ કે, બનાસકાંઠા બાજુ ખેતરોમાં બરફ જામ્યા છે તો નલિયાનું તાપમાન 3 ડિગ્રીએ પહોંચ્યુ છે. કચ્છ અને ઉત્તર ગુજરાતમાં હજુ વધુ કાતિલ ઠંડી પડી રહી છે. વર્ષનો છેલ્લો દિવસ ઠંડોગાર રહેશે.
નલિયામાં તાપમાન 3 ડિગ્રીએ પહોંચ્યુ
ડિસામાં 7 ડિગ્રી, રાજકોટ 8 ડિગ્રીએ
અમદાવાદમાં 11 ડિગ્રી ઠંડી
નલિયાનું તાપમાન 3 ડિગ્રીએ પહોંચ્યુ હતુ. તો વળી ડિસામાં પણ તાપમાનનો પારો 7 ડિગ્રીએ પહોંચ્યુ હતુ. રાજકોટમાં પણ 9 ડિગ્રી તાપમાન થતા લોકો ઠંડીમાં ઠુઠવાયા હતા. હજુ ગુજરાતમાં તાપમાનનો પારો ગગડવાની હવામાન ખાતાની આગાહી છે. કચ્છ અને ઉત્તર ગુજરાતમાં ઠંડી વધુ આક્રમક બની શકે છે. 31મી ડિસેમ્બર ઠંડી ગાર રહેશે.
ઉ.ગુજરાત કચ્છ ઠંડુગાર
કચ્છ વિસ્તારમાં ભૂજમાં 9, નલિયા 3, કંડલા 11 ડિગ્રી તાપમાનનો પારો હતો જ્યારે ઉત્તર ગુજરાતમાં ડિસા 7, ગાંધીનગર 10, વલ્લભવિદ્યાનગર 10 ડિગ્રી તાપમાનનો પારો હતો. દ. ગુજરાતમાં વડોદરા 12, સુરત 16, વલસાડ 14 ડિગ્રી તાપમાન હતુ.
સૌરાષ્ટ્રમાં પણ ઠંડીનો કહેર
સૌરાષ્ટ્ર વિસ્તારની વાત કરીએ તો અમરેલીમાં 9, કંડલામાં 12 ડિગ્રી, ભાવનગરમાં 12, વડોદરા 12 ડિગ્રી, પોરબંદરમાં 15, વેરાવળમાં 15, રાજકોટમાં 9 ડિગ્રી, સુરેન્દ્ર નગર 10 ડિગ્રી તાપમાન પહોંચ્યુ હતુ,