મોંઘવારી / વર્ષના પ્રારંભે જ આમ આદમીને મોટો ફટકો, CNGના ભાવમાં આટલા રૂપિયાનો તોળાયો ભાવ વધારો

• મોંઘવારીનો વધુ એક માર પડશે
• CNGના ભાવમાં 2.50 રૂપિયાનો વધારો
• CNGનો ભાવ 70ને પાર

પેટ્રોલ-ડિઝલ બાદ હવે CNGના ભાવમાં વધારો કરાતા સામાન્ય જનતા ત્રાહિમામ પોકારી ઉઠી છે, ત્યારે આજે પણ CNG ગેસના ભાવમાં 2.50 રૂપિયાનો તોતિંગ વધારો ઝિંકાતા નાગરિકોને નવા વર્ષના પ્રથમ દિવસે જ ઝટકો લાગ્યો છે. 

અમદાવાદમાં CNGના ભાવમાં 2.50 રૂપિયાનો વધારો

આજથી શરૂ થતા નવા વર્ષની સાથે લોકો પર મોઁઘવારીનો વધુ એક માર પડવાની શરૂઆત થઇ ચૂકી છે. નવા વર્ષની શરૂઆત સાથે CNGના ભાવમાં વધારો કરવામાં આવ્યો છે. અમદાવાદમાં CNGના ભાવમાં 2.50 રૂપિયાનો વધારો થયો છે. અમદાવાદમાં CNGના ભાવ 70ને પાર પહોંચ્યા છે. CNGના ભાવ વધતા લોકોને વધુ બોજો પડે એવી શક્યાતો દર્શાવાઇ રહી છે.

તાજેતરમાં જ વધ્યા હતા ભાવ 

પેટ્રોલ-ડિઝલ બાદ હવે CNGના ભાવમાં વધારો કરાતા સામાન્ય જનતા ત્રાહિમામ પોકારી ઉઠી છે, જુદી જુદી CNG કંપનીઓએ  24 ઓગસ્ટ બાદ અત્યાર સુધીમાં CNGમાં સાબરમતી અને ગુજરાત ગેસે 2 રૂપિયાનો વધારો કરી નાખ્યો છે તો અદાણી ગેસે 1 રૂપિયાનો વધારો કર્યો છે . ગેસના ભાવ વધતા જનતા પરેશાન થઈ ઉઠી છે તો બીજી તરફ ધંધાદારી રીક્ષા ચાલકોને આ ભાવ વધારાથી મોટો ઝાટકો લાગ્યો છે. અદાણી ગેસએ CNGમાં પ્રતિ કિલો દીઠ 1 રૂપિયાનો ભાવ વધારો ઝીકાયો છે. 

અદાણી ગેસમાં ભાવ વધારો 

CNGના એક કિલોના ભાવમાં 1 રૂપિયાનો ભાવ કરવામાં આવ્યો છે આમ થોડા દિવસોમાં અત્યાર સુધીમાં CNGમાં જુદી જુદી કંપનીઓ દ્વારાઆ  1 થી 2 રૂપિયાનો વધારો કરવામાં આવ્યો છે, ભાવ વધારા બાદ પેટ્રોલ ડીઝલના ભાવથી દાઝેલી જનતાએ હવે બેવડો માર સહન કરવાનો વારો આવ્યો છે. જો વાત કરવામાં આવે તો અગાઉ અદાણી ગેસના એક કિલો CNGનો ભાવ 55.30 રૂપિયા હતા જે હવે ભાવ વધારો કરાતા 56.30 રૂપિયા જોવા મળી રહ્યો છે.