ચોરવાડ નગરપાલિકા ફરી વિવાદમાં ચીફ ઓફિસરે ધારાસભ્ય સામે લગાવ્યા આક્ષેપ

જૂનાગઢના ચોરવાડમાં નગરપાલિકાના ચીફ ઓફિસર દેવીબેન રજા પર હોવા છતા પોલીસને સાથે રાખીને પાલિકાના રેકોર્ડ ખોલવા માટે પહોંચ્યા હતા. આ દરમિયાન ચીફ ઓફિસરે પાલિકાના ડોસ્ક્યુમેન્ટસ તપાસ્યા હતા. ત્યાર બાદ તમામ કાગળો ટ્રેઝરીમાં જમા કરાવ્યા હતા. 

આ દરમિયાન તેમણે નગરપાલિકાના પ્રમુખ જલ્પા ચુડાસમાના પતિ વિમલ ચુડાસમા પર આરોપ પણ લગાવ્યા હતા. તેમણે વિમલ ચુડાસમા પર આરોપ લગાવતા કહ્યુ કે મારી ગેરહારજરી અને બળજબરીથી પગાર અને સહી કરાવવામાં આવે છે.

હાજર હોવા છતાં મને ગેરહાજર માનીને પગાર પણ કાપવામાં આવે છે. આ સાથે જ તેમણે કહ્યુ કે વિમલ ચુડાસમા કર્મચારીઓ પાસેથી પણ બળજબરી પૂર્વક કામ કરાવે છે. જેના પુરાવા પણ તેમની પાસે હોય તેવી તેમને જણાવ્યુ.

આ મામલે આ મામલે વિમલ ચુડાસમાએ પોતાનો બચાવ કર્યો હતો. વિમલ ચુડાસમાએ પ્રતિક્રિયા આપી છે કે ચીફ ઓફિસરના તમામ આક્ષેપો ખોટા છે. ચીફ ઓફિસર આ પહેલા પણ ઘણી વખત આપેક્ષ કરી ચૂક્યા છે અને દર વખત તેમના આક્ષેપ ખોટા સાબિત થાય છે.