ઝટકો / કોરોનાની રસી મુદ્દે ચીનને મોટો ઝટકો, બ્રાઝિલે સિનોવૈકના ટ્રાયલ રોક્યા, આ છે કારણ

• ચીનની  રસીના ટ્રાયલને હાલમાં સસ્પેન્ડ કરી દેવામાં આવ્યા છે
• બ્રાઝિલના રાષ્ટ્રપતિ જેર બોલસોનારો ચીની રસીની વિરુદ્ધ
• ઝાઓ લિજિયાનોએ બોલસોનારોની ટિપ્પણી પર સ્પષ્ટતા કરી હતી

    
બ્રાઝિલના સ્વાસ્થ્ય નિયામકે કહ્યું કે રસીના ટ્રાયલને હાલમાં સસ્પેન્ડ કરી દેવામાં આવ્યા છે. રસી લગાવવાના કારણે એક પ્રતિકુળ ઘટના બની જેના કારણે આ નિર્ણય લેવામાં આવ્યો છે. આ ઘટના 29 ઓક્ટોબરે બની હતી. જોકે એ સ્પષ્ટ નથી કે આ ઘટના બ્રાઝિલમાં થઈ કે અન્ય દેશમાં થયા બાદ આ નિર્ણય લેવાયો છે. 

સાઓ પાઓલોના ચિકિત્સા અનુસંધાન સંસ્થાન બુટાટના પ્રમુખ ડિમાસ કોવાસનું કહેવું છે કે ટ્રાયલ દરમિયાન એક વ્યક્તિનું મોત નીપજ્યા બાદ ચીની રસીના ટ્રાયલને રોકવાનો નિર્ણય લેવામાં આવ્યો છે. જો કે તેણે શંકા વ્યક્ત કરી છે કે મોતનું કારણ રસી જ હોય તે જરુરી નથી .હાલમાં 10 હજાર લોકો પર ટ્રાયલ ચાલી રહ્યા છે. ત્યારે એકનું મોત થાય તો તેનું અન્ય કારણ પણ હોઈ શકે છે. 

બ્રાઝિલના રાષ્ટ્રપતિ જેર બોલસોનારો ચીની રસીની વિરુદ્ધ છે. તેણે મજાક ઉડાવતા કહ્યું બ્રાઝિલના લોકો કોઈ માટે ગિન પિંગ નહીં બની શકે. તે એલાન પણ કરી ચૂક્યા છે કે તેમનો દેશ ચીનની રસી નહીં ખરીદે. બીજી તરફ ચીનના વિદેશ મંત્રાલયના પ્રવક્તા ઝાઓ લિજિયાનોએ બોલસોનારોની ટિપ્પણી પર સ્પષ્ટતા કરી હતી. તેમણે કહ્યું હતું કે ચીનની રસી અનુસંધાન અને વિકાસ ક્ષમતા દુનિયાભરમાં અગ્રણી છે.  ચીન હાલમાં 4 રસી કેન્ડિડેટ્સ પર કામ કરી રહી છે જે ત્રીજા એટલે કે છેલ્લા ચરણમાં છે.